Mea maitai ia pee i to Isaia hi‘oraa o te aau tae. Ua faatupu oia i te faaroo e oioi roa ’tura oia i te rave i te hopoia, noa ’tu aita te mau haamaramaramaraa atoa i horoahia. (Isa 6:9) E nehenehe anei ta oe e faatano i to oraraa no te tavini i te vahi e hinaaro-rahi-hia ra te feia poro? (Sal 110:3) Papu e mea faufaa ia “taio” i te mau haamâu‘araa no te hoê tere mai teie. (Lu 14:27, 28) A faatupu râ i te hinaaro e rave i te mau haapaeraa no te ohipa pororaa. (Mt 8:20; Mk 10:28-30) Mai tei faahitihia i roto i te video Haere e tavini i te vahi e hinaaro-rahi-hia te feia poro, ua hau atu te mau haamaitairaa ta oe e fana‘o a tavini ai ia Iehova i te mau haapaeraa ravehia.

• Eaha te mau haapaeraa ta te mau mero o te utuafare Williams i rave no te tavini i Équateur?

• Eaha ta ratou i hi‘opoa no te maiti i te vahi ratou e haere ai e tavini?

• Eaha te mau haamaitairaa ta ratou i fana‘o?

• Ihea oe e ite ai hau atu â haamaramaramaraa no nia i te taviniraa i te vahi e hinaaro-rahi-hia te feia poro?

• Ei utuafare, e nafea tatou e nehenehe ai e rave hau atu â i roto i te taviniraa? (km 8/11 4-6)

• Mai te peu e aita tatou e nehenehe e tavini i te vahi e hinaaro-rahi-hia ra te feia poro, e nafea tatou e tauturu ai i ta tatou amuiraa? (w16.03 3-5)