Mea paetahi ore o Iehova. (Ohi 10:34, 35) Ua farii oia i te feia “no te mau fenua atoa, e te mau opu atoa, e te mau nunaa atoa, e te mau reo atoa.” (Apo 7:9) E ere ïa mea tano i roto i te amuiraa Kerisetiano ia faatupu i te mana‘o oti noa aore ra ia haapao noa i te feia ta tatou e au. (Iak 2:1-4) Maoti ta te Atua haapiiraa, te fana‘o nei tatou i te hoê paradaiso pae varua, i reira tatou i ite ai i te huru o te taata i te tauiraa. (Isa 11:6-9) A ohipa noa ’i no te tatara roa i te mau mana‘o oti noa e vai ra i roto i to tatou aau, te faaite ra tatou e te hinaaro ra tatou e pee i te Atua.—Eph 5:1, 2.

• No te aha ua hau a‘e te haapiiraa a te Atua i ta te taata tutavaraa no te faaore i te mau mana‘o oti noa?

• No oe, eaha te mea faahiahia roa ’‘e itehia i rotopu i te mau taeae na te ao atoa nei?

• Ia tapea tatou i te auhoêraa Kerisetiano, e nafea Iehova e aruehia ’i?