“Ia tae i te mau mahana hopea”

Te tau ta tatou e ora nei

“Te mou‘a ra o te fare o Iehova”

Ta Iehova haamoriraa teitei e te viivii ore

“E tairuru atoa mai te mau etene atoa ra i reira”

E haaputuputu mai te feia i farii i te haamoriraa viivii ore ma te au maite

“E haere mai, e haere tatou i nia i te mou‘a o Iehova”

E titau manihini te feia haamori mau ia vetahi ê ia apiti atu ia ratou

“E na ’na e haapii mai i ta ’na haapaoraa, e haere tatou na te e‘a ta ’na e faaite”

Na roto i ta ’na Parau Iehova e haapii e e tauturu ai ia tatou ia haere na to ’na e‘a

“E ore hoi ratou e haapii faahou i te tama‘i”

Ua faataa Isaia e e tauihia te mau mauhaa tama‘i ei tauihaa no te faaapu. Te auraa, e tapi to Iehova nunaa i te hau. Eaha tera mau tauihaa i te tau o Isaia?

Te “‘o‘e ei auri arote”

1 Te auri arote, o te tuhaa ïa o te arote o te para‘u e huri i te repo. Ua hamanihia vetahi e te auri.—Sa1 13:20

Te “mahae ei tipi tope raau”

2 E tipi fefe paha te tipi tope raau, hamanihia e te auri e e tapearaa to muri. Ua faaohipahia tera tipi no te tope i te vine.—Isa 18:5