Mai te matahiti 2018 mai â, ua vauvau ta tatou mau vea no te taata atoa hoê noa tumu parau i te vea tataitahi. Pauroa teie mau vea, no roto mai ïa i ta tatou Mauhaa no te taviniraa. E nehenehe ïa tatou e faaohipa i roto te taviniraa. E nehenehe atoa râ e rave vetahi o taua mau vea ra ia ratere aore ra ia haere tatou e hoohoo. Aita teie mau vea i faaineinehia no te faatere i te hoê haapiiraa Bibilia, noa ’tu râ, e nehenehe teie mau vea e turai i te hoê taata ia hinaaro e ite hau atu â no nia i te Atua.

I muri noa ’‘e a haamata ’i i te hoê aparauraa, a faaite atu i te hoê irava e a faahiti i te hoê tumu parau o te nehenehe e anaanatae i te taata. Ei hi‘oraa, te aupuru ra paha o ’na i te utuafare, te oto ra aore ra te hepohepo ra, e nehenehe ïa oe e parau: “Ua taio vau i te hoê tumu parau anaanatae mau. Nehenehe anei au e faaite atu ia oe?” Mai te peu te ite ra oe te anaanatae ra te taata, a horoa ’tu i te hoê vea neneihia aore ra a hopoi atu na roto i te rata uira, noa ’tu e farereiraa matamua noa tera. E ere te pûpûraa i te mau vea ta tatou fa matamua, e nehenehe râ te reira e tauturu ia tatou ia ite i te feia o te ineine i te taui ia au i ta ratou e haapii.—Ohi 13:48.