E 23 e tae atu i te 65 matahiti anei to outou e tei roto outou i te taviniraa taime taatoa? E ea maitai anei to outou e e nehenehe anei ta outou e tavini i te vahi e hinaaro-rahi-hia te tauturu? Mai te peu e pahono outou “e” i taua mau uiraa ra, ua feruri anei outou e apiti i te Haapiiraa no te feia poro i te parau apî oaoa o te Basileia? Mai te haamataraa o te piha matamua no tera haapiiraa, fatata tausani mau hoa faaipoipo, mau taeae e tuahine faaea taa noa tei fana‘o i tera haapiiraa. Tera râ, te hinaaro-rahi-hia nei te mau taeae faaea taa noa. A pure ia Iehova ia rahi atu â to outou hinaaro e faaoaoa ia ’na e ia pee i ta ’na Tamaiti. (Sl 40:8; Mt 20:28; Heb 10:7) A feruri i te mau ravea no te faatano i to outou oraraa ia nehenehe outou e tae atu i tera haapiiraa.

Eaha te mau hopoia apî ta te feia o teie Haapiiraa i fana‘o i te otiraa tera faaineineraa? Ua tonohia te tahi o ratou i roto i te mau tuhaa fenua e paraparauhia te tahi atu mau reo aore ra e apiti atu i te pororaa taa ê faanahohia i roto i te mau oire rarahi. No vetahi râ, ua riro mai ïa ei mono i roto i te tuhaa haaati aore ra ei mitionare. A feruri ai outou i ta outou e nehenehe e rave no te tavini ia Iehova, ia faariro outou te mau parau ta te peropheta Isaia i faahiti: “Teie au; o vau ta oe e tono!”—Isa 6:8.

A MATAITAI I TE VIDEO TE MAU MITIONARE: RAVE OHIPA NO TE OOTIRAA E A PAHONO I TO MURI NEI MAU UIRAA:

• Mea nafea te mau mitionare i te maitiraahia?

• Eaha te mau ohipa maitai ta te mau mitionare e rave ra?

• Eaha te tahi mau haamaitairaa o te taviniraa mitionare?