NO TE AHA E MEA FAUFAA ’I? Mai te rahiraa o te mau ravea, e nehenehe te faahoaraa i nia i te Internet e tauturu mai aore ra e haafifi mai. Ua faaoti vetahi Kerisetiano ia ore e faaohipa i taua mau reni Internet ra. Te faaohipa ra te tahi atu mau Kerisetiano i te reira no te tauaparau i te mau mero utuafare e i te mau hoa. Tera râ, te hinaaro ra te Diabolo ia faaohipa tatou i tera mau reni Internet ma te haapao ore. E nehenehe ïa te reira e tuino i to tatou roo e to tatou auhoaraa e o Iehova. Mai ia Iesu, a faaohipa i te mau aratairaa Bibilia no te ite maitai i te mau marei e no te ape i te reira.—Lu 4:4, 8, 12.

TE MAU MAREI TA TATOU E APE:

• Te faaohipa-rahi-roa-raa i te mau ravea faahoaraa i nia i te Internet. Eita tatou e rave faahou i te taime no Iehova mai te peu e vai maoro roa tatou i nia i te mau reni Internet no te faahoa ’tu

  Aratairaa Bibilia: Eph 5:15, 16; Php 1:10

• Te mataitairaa i te mau hoho‘a tano ore. Mai te peu e mataitai tatou i te mau hoho‘a tano ore, e nehenehe tatou e topa i roto i te marei o te mau peu faufau e te tia ore. E paruparu to tatou faaroo mai te peu e taio tatou i ta te mau apotata e papai i nia i ta ratou reni Internet

  Aratairaa Bibilia: Mt 5:28; Php 4:8

• Te piaraa i te mau papai e hoho‘a tano ore. E mea haavare te aau. E nehenehe ïa te taata e pia i te mau papai aore ra hoho‘a tano ore i nia i te mau reni Internet no te faahoa ’tu. Tera râ, e tuino te reira i to te taata roo aore ra e haaparuparu i to ’na faaroo

  Aratairaa Bibilia: Ro 14:13; Eph 4:29

A MATAITAI NA I TE VIDEO TE FAAHOARAA I NIA I TE INTERNET, A ARA! E A HAAMANA‘O NA E NAFEA IA APE I TO MURI NEI MAU TUPURAA: