Ua horoa Iesu i te hoê hi‘oraa maitai ia pee, i mua iho â râ i te mau tamataraa aore ra hamani-ino-raa. (Pe1 2:21-23) Ua faainohia Iesu, aita roa ’tu râ oia i tahoo atu noa ’tu ua mauiui oia. (Mk 15:29-32) Eaha tei tauturu ia ’na ia faaoromai? Ua faaoti papu oia i te rave i to Iehova hinaaro. (Ioa 6:38) Ua tiatonu atoa oia i nia i “te oaoa i tuuhia i mua ia ’na.”—Heb 12:2.

Eaha to tatou huru mai te peu e hamani-ino-hia tatou no to tatou faaroo? Te faaohipa ra te mau Kerisetiano mau i te faaueraa ia ore “te ino ia tahoohia ’tu i te ino.” (Ro 12:14, 17) Te oaoa ra tatou a pee ai i te faaoromai o te Mesia no te mea te farii ra te Atua ia tatou.—Mt 5:10-12; Pe1 4:12-14.

A HI‘O NA I TE VIDEO MEA FAUFAA ROA ’‘E TO IEHOVA I‘OA E A PAHONO NA I TO MURI NEI MAU UIRAA:

• E nafea te tuahine Pötzinger * i faaohipa maitai ai i to ’na taime i roto i te piha mo‘emo‘e o te fare tapearaa?

• Eaha te mau mauiui ta te taeae e te tuahine Pötzinger i faaruru i roto i e rave rahi aua haavîraa?

• Eaha tei tauturu ia raua ia faaoromai?