NO TE AHA E MEA FAUFAA ’I? Maoti ta tatou iho haapiiraa i te Parau a te Atua e nehenehe ai tatou e “taa maite . . . te aano e te roa e te teitei e te hohonu” o te parau mau. (Eph 3:18) E tauturu atoa mai te reira ia vai hapa ore tatou ma te tafetafeta ore i rotopu i te hoê ao ino e ia “mau maite i te parau o te ora.” (Php 2:15, 16) E nehenehe tatou e maiti i te mau papai aore ra ravea ta tatou taitahi e hinaaro mau no ta tatou iho haapiiraa i te Parau a te Atua. Eaha ta tatou e rave ia faufaahia roa tatou i ta tatou taioraa e haapiiraa i te Bibilia?

NAFEA ÏA?

• A tareni i te mau irava Bibilia e a tapao mai i roto i ta oe iho Bibilia, piahia aore ra i roto i te roro uira

• A ui ia oe iho to muri nei mau uiraa a taio ai oe i te Parau a te Atua: ‘O vai? Eaha? Afea? Ihea? No te aha? Nafea?’

• A ite i te tupuraa mau. Ma te faaohipa i te mau ravea maimiraa, a rave i ta oe maimiraa ia au i te hoê tumu parau aore ra irava Bibilia

• A feruri maite i nia i ta oe taioraa no te ite nafea oe e faufaahia ’i i te reira

• A faaohipa i ta oe i haapii mai i roto i to oe oraraa i te mau mahana atoa.—Lu 6:47, 48

A MATAITAI NA I TE VIDEO A “MAU MAITE” NOA MA TE FAAHOHONU I TA OE IHO HAAPIIRAA E I MURI IHO, A PAHONO NA I TO MURI NEI MAU UIRAA:

• Nafea vetahi i faufaahia ’i maoti ta ratou iho haapiiraa?

• No te aha e titauhia ia haamata tatou i ta tatou iho haapiiraa taitahi na roto i te pure?

• Nafea tatou e nehenehe ai e taa maitai a‘e i te hoê irava Bibilia?

• Eaha ta tatou e nehenehe e tareni i roto i ta tatou Bibilia?

• No te aha mea faufaa roa ’i ia feruri maite a haapii mai ai tatou i te Parau a te Atua?

• Nafea tatou e faaohipa ’i i ta tatou e haapii mai ra?