E titauhia ia faanaho maitai te mau pionie tamau i ta ratou tapura. Mai te peu e e poro oe 18 hora i te hebedoma, e nehenehe oe e riro mai ei pionie. E vai â te taime no oe no te faafaaea! E ia tupu noa ’tu te tahi fifi, no te ma‘i anei aore ra no te huru o te reva, eita ta oe tapura e haafifihia. Ua tapaopaohia te tahi mau mana‘o i roto i te mau tapura i raro mai no te feia poro o te rave ra i te ohipa afa hebedoma aore ra taime taatoa, aore ra no te feia poro o tei taotiahia e te ma‘i aore ra o tei paruparu. Maoti te tahi mau faatanoraa, peneia‘e e nehenehe te tahi mero o te utuafare e riro mai ei pionie i te ava‘e Tetepa. A tauaparau no nia i te reira i roto i ta outou haamoriraa utuafare.