E hinaaro Iehova ia oaoa te mau utuafare. (Sl 127:3-5; Koh 9:9; 11:9) E nehenehe râ tatou e ere i to tatou oaoa no te ahoaho e te hapa a te mau mero o to tatou utuafare. Eaha ta te mero tataitahi e nehenehe e rave ia oaoa noa te utuafare?

E faatura te tane faaipoipo i ta ˈna vahine. (Pe1 3:7) E rave o ˈna i te taime e ta ˈna vahine. Eita o ˈna e titau i ta ˈna vahine i te ore e maraa ia ˈna. E mauruuru noa o ˈna i ta ta ˈna vahine e rave ra no ˈna e no te utuafare. (Kol 3:15) E faaite o ˈna i to ˈna here i ta ˈna vahine e e haapopou atoa oia ia ˈna.​—Mas 31:28, 31.

E imi te vahine i te mau ravea atoa no te turu i ta ˈna tane. (Mas 31:12) E auraro e e tauturu o ˈna ia ˈna. (Kol 3:18) E paraparau oia i ta ˈna tane ma te mǎrû e eita oia e faaino ia ˈna.​—Mas 31:26.

E faataa te mau metua i te taime no ta ratou mau tamarii. (De 6:6, 7) E faaite te mau metua e mea here na ratou i ta ratou mau tamarii. (Mt 3:17) E aˈo ratou i ta ratou mau tamarii ma te here e te feruriraa paari.​—Eph 6:4.

E faatura e e auraro te mau tamarii i to ratou mau metua. (Mas 23:22) E faaite ratou i to ratou mau manaˈo e huru aau i to ratou mau metua. E farii ratou i te aˈo e e faatura ratou i to ratou mau metua.​—Mas 19:20.

A MATAITAI I TE VIDEO A OAOA I ROTO I TO OUTOU UTUAFARE E A PAHONO I TEIE UIRAA:

Eaha ta te mero tataitahi e nehenehe e rave ia oaoa noa te utuafare?