29 no Tiurai–4 no Atete
SALAMO 69
Himene 13 e pure | Parau omuaraa (1 min.)
1. Eaha te tahi mau ohipa ta te Salamo 69 i tohu no Iesu?
(10 min.)
E hae te taata ia Iesu, aita râ e tumu (Sl 69:4; Ioa 15:24, 25; w11 1/8 13 par. 17)
Ua faaite Iesu i te itoito rahi no te fare o Iehova (Sl 69:9; Ioa 2:13-17; w10 1/12 14 par. 7-8)
Ua mauiui roa to Iesu aau e ua horoahia te uaina anoihia i te raau maramara ia inu oia (Sl 69:20, 21; Mt 27:34; Lu 22:44; Ioa 19:34; g95 8/10 24 par. 4; it-2 600)
NO TE FERURIRURI: No te aha Iehova i tuu ai i te tahi mau parau tohu no nia i te Mesia i roto i te mau Papai Hebera?
2. Te mau poe pae varua
(10 min.)
-
Sl 69:30, 31—E nafea teie nau irava e tauturu ai ia tatou ia haamaitai i ta tatou mau pure? (w99 15/1 18 par. 11)
-
I roto i te taioraa Bibilia o teie hebedoma, eaha te tahi atu mau poe pae varua ta oe i ite mai?
3. Taioraa Bibilia
(4 min.) Sl 69:1-25 (th haapiiraa 2)
4. Te faaoromai: Eaha ta Iesu i rave?
(7 min.) Aparauraa. A pata i te VIDEO, e a tauaparau i nia i te lmd haapiiraa 8 numera 1-2.
5. Te faaoromai: A pee i to Iesu hiˈoraa
(8 min.) Aparauraa niuhia i nia i te lmd haapiiraa 8 numera 3-5 e “A hiˈo atoa.”
Himene 134
6. Hinaaro o te amuiraa
(5 min.)
7. Aratairaa no te haamoriraa utuafare
(10 min.) Aparauraa.
I Tenuare 2009, ua amuihia te Haapiiraa buka a te amuiraa i te putuputuraa o te Haapiiraa no te taviniraa Kerisetiano e te Putuputuraa no te taviniraa. Ua nehenehe ïa te mau utuafare Kerisetiano e faataa i te hoê taime no te haamoriraa utuafare. Ua mauruuru roa e rave rahi i teie tauiraa, inaha ua tauturu te reira ia ratou ia piri atu â te tahi i te tahi e ia Iehova.—De 6:6, 7.
Eaha te tahi mau aratairaa o te tauturu i te upoo utuafare ia faatere i ta ratou haamoriraa utuafare ma te au noa?
-
A rave tamau i te reira. A tutava i te rave i te haamoriraa utuafare i te mau hebedoma atoa. A faanaho i te tahi atu mahana ia tupu te tahi ohipa manaˈo-ore-hia
-
A faaineine. I te tahi taime, a ani i ta outou vahine e tamarii i te tahi mau manaˈo tauturu. Aita e faufaa ia maoro roa te faaineineraa, mai te peu iho â râ mea au na ratou e rave i taua mau ohipa ra i te mau hebedoma atoa
-
A faatano i te porotarama no te utuafare. A paari ai te mau tamarii, e taui to ratou mau hinaaro e aravihi. Ia tano ïa ta outou porotarama no te mau mero tataitahi ia puai roa to ratou faaroo
-
Ia riro te reira ei taime oaoa e te au mau. I te tahi taime, mea maitai anaˈe te mahana, a rave i te haamoriraa utuafare i rapaeau. Ia nehenehe, a faafaaea rii maa taime iti. Noa ˈtu e nehenehe e faahiti i te tahi mau fifi taa maitai ta te utuafare e faaruru ra, eiaha e faaohipa i te haamoriraa utuafare no te tamaˈi aore ra no te aˈo
-
A taui i te huru raveraa e tumu parau. Ei hiˈoraa, e nehenehe outou e faaineine i te hoê tuhaa o te putuputuraa, e mataitai i te hoê video i nia i te jw.org a aparau atu ai, e e faanaho i te mau faahiˈoraa no te pororaa. Parau mau, e tuhaa faufaa roa te mau aparauraa i roto i te haamoriraa utuafare, e nehenehe atoa râ e faataa i te tahi taime ia rave te mau mero tataitahi i ta ratou iho haapiiraa Bibilia
A aparau i teie uiraa:
-
Mea nafea outou i te faaohiparaa i teie mau aratairaa no ta outou haamoriraa utuafare?
