Mea piri roa Barbara a i to ˈna papa. E manaˈo maitai to to ˈna hoa a parau ai mai tera, aita râ te reira i tamahanahana ia ˈna. Ua feruri noa oia, “Eaha te vahi maitai i roto i to ˈna pohe.” Tau matahiti i muri aˈe, i te taime a faatia ˈi Barbara i tei tupu i roto i te hoê buka, te taahia ra aitâ to ˈna mauiui i ore atura.

Mai i roto i te tupuraa o Barbara, e titauhia te taime. Mai te peu iho â râ mea piri roa te taata i toe mai i tei pohe. Mea tano mau te parau a te Bibilia, e “enemi hopea” te pohe. (Korinetia 1, 15:26) E pinepine, e pohe taue tei herehia i te taime manaˈo-ore-hia e eita roa tatou e nehenehe e tapea i te reira. E ere i te mea maere ia ore tatou e taa faahou eaha te rave i mua i tera ati e i muri aˈe.

Ua ui aˈena paha oe: “Ehia taime te titauhia no te faaea i te oto? Eaha te rave ia pohe tei herehia? E nafea ia tamahanahana i te feia e oto ra? E tiaturiraa anei to te feia here i pohe?”