MEA POIETEHIA ANEI?
Te huruhuru o na pererau o te “manchot empereur”
E NEHENEHE te manchot empereur e haere mai i rapae i te miti a ouˈa ˈtu ai i nia i te hoê apaapa pape paari. E nafea?
Te huruhuru o te manchot empereur
A hiˈo na: E nehenehe teie animara e tapea i te mataˈi i roto i to ˈna huruhuru. Ma te na reira, e paruruhia o ˈna i te toetoe a tataipiti atoa ˈi te vitiviti o to ˈna tere. E nafea? No te mau aivanaa ihi ora no te moana, e vaiiho rii oia i te mataˈi ta ˈna i tapea na i roto i to ˈna huruhuru ia haere i rapae. I roto i te pape, e ore te tere o teie animara e mǎrû mai e vitiviti atu â râ.
Ua imi te feia îite i te mau ravea no te hamani i te pahi e nehenehe e tapea e e vaiiho i te mataˈi ia haere i rapae. Maoti te tahi faanahoraa mai tera e tere vitiviti ai te pahi. Ma te faaohipa i te hoê tauihaa apoopoo, te tamatahia nei i te hamani i te tahi mea e tuea i te huruhuru o teie animara. Ua ite râ te mau aivanaa e e ere roa ˈtu i te mea ohie.
Eaha to oe manaˈo? Mea tupu noa anei te huruhuru o te manchot empereur? Aore ra mea poietehia anei?
