Ua haapii atoa ia vetahi ê i te taio e te papai
“E tiaraa no te taata te iteraa ia taio, e ravea no te haapao ia ratou iho, no te tauturu i te taata e no te haamaitai i te oraraa.”—UNESCO. a
UA FAAITE te mau titorotororaa ua hau atu 700 mirioni taata na te ao mai te 15 matahiti e hau atu tei ore i ite i te taio aore ra te papai. Eita ˈtura e tia ia ratou ia fanaˈo i te tahi atu â ite mai te mau aratairaa no te oraraa o te taata e te mau haapiiraa no nia i te Atua papaihia i roto i te Bibilia. (Roma 15:4) Taa ê atu i te pûpûraa i te haapiiraa Bibilia, e faanaho atoa te mau Ite no Iehova i te mau Piha haapii i te taio e te papai i te mau fenua e rave rahi ma te tamoni ore. Eaha te mau maitai i itehia?
E hiˈo anaˈe i te ohipa a te mau Ite no Iehova i Mehiko. O te reo Paniora te mea paraparau-roa ˈˈe-hia i ǒ. Mai 1946, ua haapii te mau Ite hau atu 152 000 taata i te taio e te papai e e rave rahi o ratou tei riro ei feia haapii ia vetahi ê. Ua papai atu to te faatereraa no ǒ e rave rahi rata haamauruururaa. I roto hoê, teie tei papaihia: “Te haamauruuru e haapopou atu ra te tomite rahi o te Haapiiraa no to outou tururaa i te ohipa haapiiraa i te feia paari.”
Ua faufaahia te feia apî e paari i tera faanahoraa no te haapii i te taio. E hanere hoê matahiti to Josefina i to ˈna apitiraa ˈtu e ua tia ia ˈna ia taio maitai i muri aˈe e piti matahiti!
Noa ˈtu e reo matamua te Paniora i Mehiko, ua faanaho-atoa-hia te mau Piha haapii i te taio e te papai na roto i te tahi atu mau reo. I 2013, ua haapii atoa vetahi no roto mai e vau pǔpǔ taata tumu no ǒ i te taio e te papai na roto i to ratou iho reo.
E ravea faufaa mau te iteraa ia taio no te haapii e rave rahi atu â ohipa apî. Hau roa ˈtu â râ, e tauturu te reira i te mau huru taata atoa ia taio i te Bibilia. Maoti hoi tera buka faaurua e te Atua e tiamâ ˈi ratou i te mau peu tahutahu, haapiiraa hape a te mau haapaoraa e te mau haerea iino.—Ioane 8:32.
a Taatiraa o te mau Nunaa amui no te haapiiraa, te ihi e te taˈere.
E au atoa outou . . .
TAUTURU IA VETAHI Ê
Tausani taata tei haapii i te taio e te papai
Taio i te mau aamu o te mau taata na te ao o tei fanaˈo i te mau piha haapii i te taio e te papai faanahohia e te mau Ite no Iehova.
OHIPA PIARAA
Hoê Bibilia e piti metera i te roa
A ite e nafea ia fanaˈo i te mau Bibilia na roto i te papai braille i e rave rahi mau reo.
UA TAUI TE BIBILIA I TO ˈU ORARAA
“E rahi aˈe ta ˈu mau uiraa i te pahonoraa”
Eaha tei haapapu ia Mario, hoê orometua o te tahi ekalesia i na mua ˈtu, e te haapii ra te mau Ite no Iehova i te parau mau?
TA TATOU I HAAPUTU
Haapiiraa i te taio e i te papai na te ao nei
I roto e rave rau fenua ua haapopou te mau tia a te hau i te mau Ite no Iehova no te ohipa ta ratou i rave no te haapii i te mau taata ia taio e ia papai.
VIDEO HAAMARAMARAMARAA
Te mau Ite no Iehova: Faanahohia no te poro i te parau apî oaoa
Ua matauhia te mau Ite no Iehova no ta ratou ohipa haapiiraa na te ao niuhia i nia i te Bibilia. E nafea ta ratou ohipa i faanahohia ’i, i arataihia ’i e i turuhia ’i i te pae moni?
