A taio ai i te Bibilia, e nehenehe tatou e faaohipa e rave rau mauhaa no te haapiiraa no te haapapu i ta tatou e taio ra. E faahohonu atu â tatou i ta tatou mau maimiraa, ia itehia mai ia tatou te mau poe pae varua no nia ia Iehova o te faarahi i to tatou here ia ˈna. E nehenehe ïa tatou e ui: ‘Eaha ta teie irava e haapii mai ra no nia ia Iehova?’

E nehenehe tatou e imi no nia i te mau huru maitatai o Iehova mai te here, te paari, te parau-tia e te puai. E ere tera anaˈe to ˈna mau huru maitatai nehenehe mau, te vai atu â râ. E nafea ïa tatou e haapii atu â ˈi no nia i te reira?

A hiˈo i te mau huru maitatai itehia i roto i te buka Maimiraa Bibilia no te mau Ite no Iehova i te tumu parau “Te Atua ra o Iehova” e te upoo parau iti “To Iehova mau huru maitatai.” I muri aˈe, a hiˈopoa i te mau huru maitatai itehia i roto i ta outou taioraa Bibilia.