Te parau mau no nia i te Faatereraa arii a te Atua
Ua haapii Iesu i ta ˈna mau pǐpǐ ia pure, ua na ô oia: “To matou Metua i te raˈi, ia moˈa to oe iˈoa. Ia tae mai ta oe Faatereraa arii. Ia tupu to oe hinaaro i te fenua nei, mai i te raˈi atoa na.” (Mataio 6:9, 10) Eaha te Faatereraa arii a te Atua? Eaha te mau ohipa ravehia? E no te aha e titauhia ˈi ia pure tatou no te reira?
O Iesu te Arii o te Faatereraa arii a te Atua.
Luka 1:31-33: “E fanau oe i te hoê tamaiti ta oe e topa i te iˈoa o Iesu. E riro oia ei taata faufaa e e parauhia oia Tamaiti a te Teitei, e e horoa te Atua ra o Iehova i te terono o Davida to ˈna metua no ˈna, e faatere oia ei Arii i nia i te utuafare o Iakoba e a muri noa ˈtu e e ore roa ta ˈna Faatereraa arii e mou.”
O te Faatereraa arii te tumu parau faufaa roa ˈˈe o ta Iesu pororaa.
Mataio 9:35: “Haere atura Iesu na roto i te mau oire rahi e oire rii, i te haapiiraa i roto i te mau sunago, te pororaa i te parau apî oaoa o te Faatereraa arii e te faaoraraa i te mau huru maˈi atoa.”
Ua horoa Iesu i te hoê tapao i ta ˈna mau pǐpǐ, ia nehenehe ratou e ite afea te Faatereraa arii e tae mai ai.
Mataio 24:7: “E aro hoi te tahi nunaa i te tahi atu nunaa e te tahi faatereraa i te tahi atu faatereraa, e e tupu te oˈe e te aueueraa fenua i tera e tera vahi.”
Te poro ra te mau pǐpǐ a Iesu no nia i te Faatereraa arii e ati aˈe te fenua.
Mataio 24:14: “E e porohia te parau apî oaoa o te Faatereraa arii e ati aˈe te fenua ia ite te mau nunaa atoa, i reira ïa te hopea e tae mai ai.”
E au atoa outou . . .
TE PAHONO RA TE BIBILIA
Eaha te Basileia o te Atua?
Mea hau aˈe te Faatereraa arii a te Atua i te mau faatereraa a te taata. No te aha?
HAAPIIRAA TUMU
Eaha te Basileia o te Atua?
O te Basileia o te Atua te tumu parau faufaa roa ˈˈe ta Iesu i haapii. E rave rahi matahiti ua pure ta ˈna mau pǐpǐ ia tae mai taua Basileia ra.
