Mai te peu aita, ua ite aˈena paha outou i te hoê faaiteraa o te riri. I roto i te mau vea, mea rahi te mau faatiaraa ua hamani-ino-hia vetahi no te mea e nunaa ê to ratou aore ra e mahu ratou. Ei faahopearaa, e rave rahi faatereraa o te haamau ra i te mau ture no te faautua etaeta i te taata e hamani ino ra i te tahi atu no tera mau tumu.

E faatupu te riri hau atu â riri. Inaha, e pinepine te feia e mauiui ra no te riri o vetahi ê i te tahoo atu e aita te riri e ore.

Ua faaruru aˈena paha outou i te manaˈo oti noa o vetahi ê, te faaoooraa, te faainoraa e te haamǎtaˈuraa. Te vai atu â râ te tahi atu mau huru faaiteraa i te riri, mai te hamani-ino-raa, te eiâ, te maferaraa, te taparahiraa taata, oia atoa te haapoheraa i te hoê nunaa taatoa.

I roto i teie vea, e faaitehia e nafea ia upootia i nia i te riri e e pahonohia i teie mau uiraa:

• No te aha te uˈana noa ˈtura te riri?

• E nafea ia haapae roa i te riri?

• E ore anei te riri e a muri noa ˈtu?