E nafea ia upootia i nia i te enemi ra o te pohe?
NOA ˈTU no to Adamu raua Eva faaroo-ore-raa ua roo-roa-hia te huitaata i te hara e te pohe, aita te opuaraa a te Atua no te taata i taui. Ua tamau te Atua i te haapapu i te reira i roto i ta ˈna Parau, te Bibilia.
-
“E parahi te feia parau-tia i nia i te fenua, e parahi tamau â ratou i reira.”—Salamo 37:29.
-
“E na ˈna e haamou roa i te pohe e a muri noa ˈtu; e na te Fatu ra, na Iehova, e horoi i te roimata i te mau mata atoa ra.”—Isaia 25:8.
-
“O te pohe te enemi hopea ta ˈna e haamou.”—Korinetia 1, 15:26.
-
“E ore roa te pohe, e ore atoa te oto e te auê e te mauiui.”—Apokalupo 21:4.
E nafea te Atua ‘e haamou roa ˈi i te pohe’? Te haapapu ra te Bibilia “e parahi tamau â [te feia parau-tia].” Te parau atoa ra “aita mau e taata parau-tia i te fenua nei, o tei rave i te parau maitai.” (Koheleta 7:20) No te upootia i nia i te pohe, e faarue anei te Atua i ta ˈna mau ture aveia? Aita roa ˈtu! Aita roa ˈtu o ˈna e na reira no te mea e “ore [te Atua] e nehenehe e haavare.” (Tito 1:2) Eaha ïa ta te Atua e rave no te faatupu i ta ˈna opuaraa î i te here no te mau taata?
“E HAAMOU ROA [TE ATUA] I TE POHE.”—ISAIA 25:8
E UPOOTIAHIA I NIA I TE POHE MAOTI TE HOO
Ua horoa te Atua ra o Iehova i te hoê ô î i te here no te faaora i te huitaata mai te pohe mai. Ua horoa o ˈna i te hoo. Te hoo, o te hoê aufauraa tano maitai ïa o te tapoˈi ra i te hoê ati aore ra o te pee i te ture o te parau-tia. Inaha e taata hara tatou pauroa e e pohe iho â tatou, te haapapu ra te Bibilia: “E ore roa e tia i te taata ia faaora i tana taeae, e aita a ˈna hoo ia hopoi i te Atua e noaa mai ai oia ra: (i te rahi hoi o te hoo ia ˈna e ora ˈi, e ore roa ˈtu ïa e taea).”—Salamo 49:7, 8.
Ua riro te pohe o te hoê taata tia ore ei faahopearaa i ta ˈna iho mau hara. Aita oia e nehenehe e faatiamâ ia ˈna, aita atoa o ˈna e nehenehe e aufau no te mau hara a te tahi atu taata. (Roma 6:7) E titauhia te hoê taata tia roa e te hara ore no te horoa i to ˈna ora eiaha no ta ˈna iho mau hara, no ta tatou râ.—Hebera 10:1-4.
Tera iho â ta te Atua i opua i te rave. Ua tono oia i ta ˈna Tamaiti o Iesu mai te raˈi mai, ia fanauhia oia i nia i te fenua ei taata tia roa e te hara ore. (Petero 1, 2:22) Ua parau Iesu ua haere mai o ˈna “no te horoa i to ˈna ora ei hoo no te taata e rave rahi.” (Mareko 10:45) Ua pohe o ˈna no te upootia i te enemi ra o te pohe ia nehenehe tatou e ora.—Ioane 3:16.
AFEA TE POHE E HAAMOU-ROA-HIA ˈI?
I teie mahana, te tupu ra te parau tohu Bibilia e ora tatou i te “tau ino mau ïa e te fifi ia faaruru.” Te haapapu ra te reira e te ora ra tatou i te “mau mahana hopea” o teie ao ino. (Timoteo 2, 3:1) E hope te mau mahana hopea “i te mahana haavaraa e haamouraa o te feia faatura ore i te Atua.” (Petero 2, 3:3, 7) Te feia râ o te here ra i te Atua, e ora ïa ratou i te haamouraa e e fanaˈo ratou i te “ora mure ore.”—Mataio 25:46.
Ua haere mai o Iesu “no te horoa i to ˈna ora ei hoo no te taata e rave rahi.”—Mareko 10:45
E horoahia i e mirioni taata te taime no te fanaˈo i te ora mure ore i to ratou tia-faahou-raa. I to ˈna tere i te oire o Naina, ua faatia mai o Iesu i te hoê taata. Ua pohe te tamaiti otahi a te hoê vahine Luka 7:11-15) Ua parau atoa te aposetolo Paulo: “Ta ˈu tiaturiraa i te Atua, . . . oia hoi e tia-faahou-raa to te feia parau-tia e to te feia parau-tia ore.” Te faaite ra teie tiaturiraa papu e te here ra te Atua i te huitaata.—Ohipa 24:15.
ivi. “Aroha ihora” Iesu ia ˈna e ua faaora mai oia i te tamaiti. (E nehenehe e miria taata e ora e a muri noa ˈtu. Te na ô ra te Bibilia: “E parahi te feia parau-tia i nia i te fenua, e parahi tamau â ratou i reira.” (Salamo 37:29) I taua taime ra, e oaoa ratou e e itoito mai a ite ai i te tupuraa o ta te aposetolo Paulo i papai tau 2 000 matahiti na mua aˈe: “Pohe, teihea ta oe re? Pohe, teihea to oe tara?” (Korinetia 1, 15:55) E haamouhia to te huitaata enemi ra o te pohe!