Mai e rave rahi o tatou, mea fifi paha no oe ia haamanaˈo i ta oe i haapii. Teie râ, ua tapao anei oe e mea ohie ia haamanaˈo i te mau faahohoˈaraa ta Iesu i haapii? E puta mai taua mau faahohoˈaraa i roto i to oe feruriraa, e e tauturu te reira ia oe ia haamanaˈo faahou. No reira e nehenehe atoa oe e haamanaˈo i ta oe i haapii maoti te mau hohoˈa. E nafea ïa? Ma te hamani i te mau hohoˈa i te roaraa o ta oe haapiiraa.

Te feia o tei haapii ma te hamani i te mau hohoˈa apî, ua mau ia ratou ta ratou haapiiraa. E tauturu te reira ia ratou eiaha noa ia taa i te mau taˈo, oia atoa râ te mau manaˈo faufaa o ta ratou haapiiraa. E ere ta ratou mau hohoˈa i te mea nehenehe roa, e mau hohoˈa poto noa e te ohie. Ua tauturu teie huru raveraa i te feia ruhiruhia ia haamanaˈo i ta ratou i haapii.

Ia rave faahou oe i ta oe haapiiraa, e nehenehe oe e tamata i te hamani i te tahi mau hohoˈa. E maere roa oe i te mau mea ta oe e haamanaˈo ohie noa!