Nafea ratou e faaruru ai i te faaheporaa a te mau hoa

E TURAI te hinaaro ia fariihia ratou i te feia e rave rahi ia faaau atu i te feruriraa e te mau haaraa a to ratou mau hoa. O te mau taurearea iho â râ te hinaaro i te puai no te patoi i te mau peu atâta, mai te rave-hua-raa i te raau taero e te taatiraa tia ore. Nafea ratou e nehenehe ai e faaruru i te faaheporaa a te mau hoa?

Ua papai e piti potii no Polonia aita i maoro aˈenei e: “Te ite-maitai-hia ra te huru feruriraa o teie nei ao i roto i te rahiraa o to mâua mau hoa. E haavare ratou i roto i te mau hiˈopoaraa, e parau i te mau parau faufau, e e maamaahia i te mau ahu faito apî e te upaupa taˈi uˈana e te tia ore i te pae morare. Te oaoa mau nei mâua i te fanaˈoraa i te mau tumu parau i papaihia no matou te feia apî e te paruru ia matou i te mana o te mau taurearea mauruuru ore e te orure hau!

“Aita e taˈo no te faaite i to mâua mauruuru no te mau tumu parau o Te Pare Tiairaa tei haapapu mai ia mâua e ei feia apî, mea hinaarohia mâua e te mauruuruhia. Ua tauturu te aˈoraa bibilia ta mâua i farii ia aratai mâua i to mâua mau taahiraa avae ma te tano e ia tamau noa i te faaoaoa i te Atua ra o Iehova. Ua papu ia mâua e o te taviniraa ma te taiva ore ia Iehova te huru oraraa maitai roa ˈˈe.”

Oia, e nehenehe ta te feia apî e faaruru i te faaheporaa a te mau hoa. Na roto i te haamataroraa i to ratou “puai feruriraa,” e haapii te mau taurearea Kerisetiano i te rave i te mau faaotiraa paari o te ore e faahohoˈa i ‘te varua o teie nei ao,’ i ‘te varua râ no ǒ mai i te Atua ra.’—Hebera 5:14, MN; Korinetia 1, 2:12.