‘A haamauruuru i te mau Ite no Iehova no te tiamâraa i te pae haapaoraa’

“HOU outou a opani ai i te uputa ia haere mai te hoê Ite no Iehova,” ta te hoê tumu parau i roto i te vea ra USA Today ïa e parau ra, “a faaea na maa taime iti no te feruri i te hamani-ino-raa haama ta ratou i faaruru e ere i te mea maoro aˈenei, tae noa ˈtu i te tuhaa maitai ta ratou i rave ia noaa mai te tiamâraa, tei haapapuhia e te Tauiraa Matamua, ta tatou paatoa e fanaˈo ra.” Ua hamani-ino-hia te mau Ite no Iehova i te mau Hau Amui no Marite i te roaraa o te mau matahiti 1940 no te mea, taa ê atu i te tahi mau mea, ua patoi ratou i te faahanahana i te reva.—Exodo 20:4, 5.

Fatata e 30 hororaa a te mau Ite no Iehova i mua i te Tiripuna Teitei Roa ˈˈe no Marite tei ravehia i te area e pae matahiti mai te matahiti 1938 e tae atu i te matahiti 1943. Te na ô ra te tumu parau e: “No te mea mea pinepine roa te mau Ite i te faahiti i te mau tumu parau faufaa o te Tauiraa Matamua, ua papai roa te Haava ra o Harlan Fiske Stone e, ‘E tano ia horoa i te hoê tino moni na te mau Ite no Iehova no to ratou tautururaa mai i te faaafaro i te mau fifi e au i te ture o te mau tiamâraa tivira.’”

No reira, i te hopea o te tumu parau, te na ôhia ra e: “E tia i te mau haapaoraa atoa ia haamauruuru i te mau Ite no Iehova no te tupuraa i te rahi o te tiamâraa [i te pae haapaoraa].”

[Faaiteraa i te fatu o te hohoˈa i te api 32]

I muri mai, fare: Photo by Josh Mathes, Collection of the Supreme Court of the United States; i raro atu â i te pae aui, mau haava: Collection of the Supreme Court of the United States