Te huru aroha teitei roa ˈˈe

I ROTO i te rahiraa o te mau hiˈoraa i roto i te mau Papai Heleni Kerisetiano, aore ra Faufaa Apî, e huriraa te taˈo ra “aroha” o te parau Heleni ra a·gaʹpe.

Ma te faataa i te auraa o tera parau, te na ô ra te buka Étude perspicace des Écritures * e: “E ere te [a·gaʹpe] i te huru aau, te hoê mea no roto mai i te hoê noa taairaa, mai tei faaroo-pinepine-hia, e aroha morare aore ra totiare râ, niuhia i nia i te farii-noa-raa i te hinaaro, ei faaueraa tumu, ei titauraa aore ra ei peu maitai, te hoê aroha o te imi mau i te maitai o vetahi ê, ia au i te mea e tano. E hau ê te a·gaʹpe (aroha) i te riri i te taata; eita roa te aroha e farii ia turai te reira i te tahi taata ia faarue i te mau faaueraa tumu maitatai e ia na reira atoa ˈtu.”

E huru aau hohonu atoa te a·gaʹpe. “O te aroha [a·gaʹpe], ia uˈana maite ïa ia outou outou iho,” ta te aposetolo Petero ïa i aˈo. (Petero 1, 4:8) No reira, e nehenehe e parau e ua taaihia te a·gaʹpe i te aau e te feruriraa. No te aha e ore ai e hiˈopoa i te tahi mau irava o te faaite ra i te mana e te auraa o teie huru aroha teitei? E nehenehe teie mau irava e tauturu atu: Mataio 5:43-47; Ioane 15:12, 13; Roma 13:8-10; Ephesia 5:2, 25, 28; Ioane 1, 3:15-18; 4:16-21.

[Nota i raro i te api]