Aramagedo—E hopea riaria anei?
Aramagedo—E hopea riaria anei?
ARAMAGEDO! Te haamanaˈo maira anei teie parau i te mau hohoˈa o te hoê haamouraa rahi aore ra te hoê paainaraa o te ao nui taatoa? Mea iti te parau bibilia o te riro ei tuhaa o te paraparauraa i te mau mahana atoa mai ia “Aramagedo.” E pinepine te taˈo i te faaohipahia no te faataa i te mau tiairaa peapea roa no a muri aˈe ta te taata e faaruru atu. Ua faaî te tapihaa o te faaanaanataeraa i te feruriraa o te mau taata i te mau hohoˈa riaria o te taeraa mai o “Aramagedo.” Ua poˈi roa te taˈo i te miterio e te manaˈo hape. Noa ˈtu e mea rahi te manaˈo no nia i to ˈna auraa, aita te rahiraa o te reira e tuea ra i ta te Bibilia—no reira mai tera parau—e haapii ra no nia ia Aramagedo.
I te mea e te taai ra te Bibilia ia Aramagedo i “te hopea o teie nei ao,” eita anei outou e farii e e mea faufaa roa ia maramarama maitai i te auraa mau o Aramagedo? (Mataio 24:3) E e ere anei i te mea tano ia fariu i te tumu o te parau mau, te Parau a te Atua, no te ite eaha o Aramagedo e to ˈna auraa no outou e to outou utuafare?
E faaite taua hiˈopoaraa ra e eita Aramagedo e hopoi mai i te hoê hopea riaria, e hopoi mai râ i te hoê haamataraa oaoa no te mau taata e hinaaro e ora maitai i roto i te hoê ao apî parau-tia. E haamaitaihia outou i te taa-maitai-raa i teie parau mau bibilia faufaa roa a hiˈopoa ˈi outou i te auraa mau o Aramagedo i roto i te tumu parau i muri nei.
[Tumu parau tarenihia/Hohoˈa i te api 3]
I TO OUTOU MANAˈO EAHA O ARAMAGEDO?
• E haamouraa rahi atomi
• E ati heipuni
• E ûraa o te hoê taoˈa o te raˈi e te fenua
• E haamouraa a te Atua i te feia iino