Te fanau-faahou-raa—eaha te faufaaraa?

A APARAU ai raua Nikodemo, ua haapapu Iesu e e mea faufaa roa te fanau-faahou-raa. Mea nafea to ˈna haamaramaramaraa i te reira?

A tapao mea nafea to Iesu haapapuraa i te faufaaraa o te fanau-faahou-raa i roto i ta raua Nikodemo aparauraa. Ua parau oia: ‘Ia ore te taata ia fanau-faahou-hia ra, e ore [e tia ia ˈna ia] ite i te basileia o te Atua ra.’ (Ioane 3:3; MN) Te haapapu ra na parau “ia ore” e  “e ore e tia” i te faufaaraa rahi o te fanau-faahou-raa. Ei faahohoˈaraa: Ia parau te hoê taata, “Ia ore te mahana e hiti mai, e ore e tia ia tatou ia ite i te maramarama,” te auraa ïa e mea faufaa roa ino te mahana no te turama. Oia atoa no ta Iesu i parau, e mea faufaa roa ino te fanau-faahou-raa no te ite i te Basileia o te Atua.

E no te faaore i te tahi feaaraa tamau no nia i te tumu parau, ua parau Iesu: ‘Ia fanau-faahou-hia outou e tia ˈi.’ (Ioane 3:7) Mea maramarama, ia au ia Iesu, e mea titauhia te fanau-faahou-raa no te “ô i te basileia o te Atua.”—Ioane 3:5.

E parau faufaa roa no Iesu te fanau-faahou-raa, e mea tia ïa ia taa maitai i te mau Kerisetiano te reira. I to oe manaˈo, ei hiˈoraa, e nehenehe anei te hoê Kerisetiano e faaoti ia fanau-faahou-hia oia?

[Parau iti faaôhia i te api 5]

“Ia ore te mahana e hiti mai, e ore e tia ia tatou ia ite i te maramarama”