Ua fatata te “taime i haapaohia”

FAAROO NA ROTO TE REO

Ua fatata te “taime i haapaohia”

MAI te peropheta Habakuka, ua tiai ru te mau pǐpǐ a Iesu i te hopea o te mauiui. I to ratou iteraa i ta te Basileia o te Atua e rave no te faaafaro i te mau mea i te fenua, ua ui ratou ia Iesu: “E faaite mai oe ia matou i te tupuraa o taua mau mea nei? e te tapao o to oe taeraa mai [ei Arii faatere] e te hopea o teie nei ao?” (Mataio 24:3) Ua pahono atu Iesu e o te Atua ra o Iehova anaˈe tei ite i te taime mau e faatere roa ˈi te Basileia i te fenua. (Mataio 24:36; Mareko 13:32) Ua tohu râ Iesu e te tahi atu mau pǐpǐ i te mau mea e tupu i nia i te fenua e faaite ra e ua fatata taua taime ra.—A hiˈo i te tumu parau tarenihia i te pae atau.

E farii iho â oe e te tupu ra teie mau mea i te mau vahi atoa. Ua tohu atoa Iesu e e tupu te hoê ohipa haapiiraa i te ao nei. Ua parau oia: “E parau-haere-hia te evanelia o te basileia nei e ati noa ˈˈe teie nei ao, ia ite te mau fenua atoa: o te hopea ihora ïa i reira.”—Mataio 24:14.

Tera iho â te tupu ra. E hitu mirioni tiahapa Ite no Iehova e rave ra i tera ohipa i e 236 fenua. Te faaite ra ratou i te taata eaha ta te Basileia e rave e te tauturu ra ia ratou ia pee i te mau titauraa parau-tia a te Atua, o te hinaaro ra e faaore i te mauiui. A haapii â no nia i te Basileia o te Atua, a nehenehe atu ai oe e ora e a muri noa ˈtu i roto i te hoê ao aore roa e mauiui.

[Tumu parau tarenihia i te api 8]

Irava e faaite ra i te anotau hopea

MATAIO 24:6, 7; APOKALUPO 6:4

• Tamaˈi rahi

MATAIO 24:7; MAREKO 13:8

• Aueueraa fenua rahi

• Oˈe

LUKA 21:11; APOKALUPO 6:8

• Maˈi pee

MATAIO 24:12

• Rahi o te ino

• Itiraa o te here