Parau tohu 3. Maˈi

“E [tupu] te maˈi rahi.”—LUKA 21:11.

● Te ohipa ra Bonzali, e tia a te hau, i te fare utuuturaa maˈi i te hoê fenua Afirika tairihia i te tamaˈi tivira. Te rave ra oia i tei nehenehe no te rapaau i te feia heru o to ˈna oire e pohe ra i te maˈi Marburg. a Ua taparuparu oia i te tauturu a te mau tia o te hoê oire rahi aˈe, aita râ i tâuˈahia mai. E maha avaˈe i muri aˈe, tae mai nei te mau rima tauturu, ua pohe râ Bonzali. Ua peehia oia i te maˈi Marburg a te feia heru ta ˈna i tamata i te faaora.

TA TATOU E ITE NEI. Maˈi o te hutiraa aho (mai te maˈi mahaha), te maˈi hî, te heˈa mate, te maˈi tutoo e te malaria, teie te tahi mau maˈi ino roa ˈˈe e roohia e te taata. I 2004 noa, ua manaˈohia e 10,7 mirioni taata i pohe i teie mau maˈi. Te auraa ïa, fatata hoê taata te pohe i te maˈi i te mau toru tetoni atoa i te matahiti.

TEI FAAROO-PINEPINE-HIA. I te mea e te maraa noa ˈtura te huiraatira, e rahi iho â ïa te taata e maˈihia.

UA TANO ANEI TEI PARAUHIA? Ua rahi roa ino te huiraatira na te ao nei. Ua rahi atoa râ te aravihi o te taata no te hiˈopoa, te arai e te rapaau i te maˈi. I te tanoraa mau, e iti mai ïa te maˈi e to te reira faahopearaa i nia i te taata, e ere anei? Mea ê roa râ ta tatou e ite nei.

EAHA TO OE MANAˈO? Te mauiui ra anei te taata i te maˈi ino mau, mai ta te Bibilia i tohu?

E tairi te aueueraa fenua, te oˈe e te maˈi e mirioni taata. E mirioni atu â te mauiui ra i te tahi atu taata: te hamani-ino-hia ra e rave rahi e te feia o te titauhia ia paruru ia ratou. A tapao na i ta te parau tohu Bibilia e parau ra no nia i te tupu.

[Nota i raro i te api]

[Parau iti faaôhia i te api 6]

“Mea riaria mau ia amuhia tatou e te hoê liona aore ra te tahi atu mea, mea riaria mau atu â râ ia amuhia tatou na roto e te hoê maˈi ino mau e ia ite i te reira ia haere i roto i to tatou tino atoa.”—MICHAEL OSTERHOLM, TAOTE HIˈOPOA I TE MAU MAˈI PARARE.

[Faaiteraa i te fatu o te hohoˈa i te api 6]

© William Daniels/Panos Pictures