Parau tohu 5. Tuinoraa o te fenua

“E haamouhia [e te Atua] te feia e ino roa ˈi te fenua nei ia ratou.”—APOKALUPO 11:18, Te Faufaa Api.

● I Kpor, i Nigéria, i patia na Pirri i te mau tamara ia noaa mai te uaina. Ua mou roa ta ˈna ohipa i te manii-rahi-raa mai te mori arahu i te muriavai no Niger. “Ua haapohe te reira i ta matou mau iˈa, ua tuino i to matou iri, e ua haaviivii i ta matou mau anavai,” ta ˈna ïa i parau. “Aita faahou ta ˈu e ravea no te rave i te ohipa.”

TA TATOU E ITE NEI. Ia au i te tahi mau taata îite, e 6,5 mirioni tǎne pehu e haaviivii ra i te moana i te matahiti hoê. Te manaˈohia ra e e 50 % o teie mau pehu e urina ïa o te painu e hanere matahiti hou a ore roa ˈtu ai. Hau atu â i te haaviivii i te fenua, te faaiti nei te taata i to te reira mau faufaa natura ma te riaria mau. Ia au i te mau hiˈopoaraa, e titauhia hoê matahiti e pae avaˈe i te fenua no te faaapî i te mau faufaa ta te taata e faaohipa i te matahiti hoê. “Ia rahi noa ˈtu te taata e te aimamau, e titauhia e piti Fenua i 2035,” ia au i te hoê vea Auteralia (Sydney Morning Herald).

TEI FAAROO-PINEPINE-HIA. Mea maramarama te taata e e nehenehe ta ratou e faatitiaifaro i te mau fifi ia ora te fenua.

UA TANO ANEI TEI PARAUHIA? Mea rahi te taata e te pǔpǔ tei haa puai no te faaara e e mea tia ia haapao i te heipuni. Te haaviivii-noa-hia ra râ te fenua.

EAHA TO OE MANAˈO? E titauhia anei ia ohipa te Atua no te faaora i to tatou paraneta i te tuinoraa, mai ta ˈna i fafau?

Hau atu â i na parau tohu e pae, te tohu atoa ra te Bibilia i te mau tupuraa maitatai no te anotau hopea. Teie te tahi hiˈoraa i roto i te ono o te parau tohu.

[Parau iti faaôhia i te api 8]

“No ˈu, mai te huru ra e ua riro ta ˈu paradaiso iti ei faarueraa pehu taoˈa taero.”—ERIN TAMBER, TAATA E NOHO RA I MARITE I TE PAE MOANA TEI ITE I TE MAU FAAHOPEARAA O TE MANIIRAA MORI ARAHU I 2010 I TE OOA NO MEHIKO.

[Tumu parau tarenihia i te api 8]

O te Atua anei te tumu?

I te mea e ua tohu te Bibilia i te mau tupuraa ino ta tatou e ite nei, o te Atua anei ïa te tumu o te reira? Na ˈna anei e haamauiui ra ia tatou? E ite oe i te pahonoraa papu i te pene 11 o te buka Eaha ta te Bibilia e haapii mau ra? piahia e te mau Ite no Iehova.

[Faaiteraa i te fatu o te hohoˈa i te api 8]

U.S. Coast Guard photo