Te pahono ra te Bibilia
No te aha Iesu e hoˈi mai ai?
I te matahiti 33, hou a haere ai i te raˈi, ua fafau Iesu e hoˈi mai. Ua faaau oia ia ˈna i te hoê taata tei haere i te fenua ê no te hoê taime maoro e i to ˈna hoˈiraa mai, ua riro ei arii. No te maitai o te huitaata Iesu e hoˈi mai ai e ta ˈna faatereraa.—A taio i te Luka 19:11, 12.
No te maitai o te huitaata ta Iesu faatereraa
Mai te aha Iesu ia hoˈi mai o ˈna? Ua faatia-faahou-hia oia ei varua itea ore. (Petero 1, 3:18) I muri aˈe, ua haere i te raˈi e ua parahi i te rima atau o te Atua. (Salamo 110:1) I muri aˈe roa, a tia ˈi Iesu i mua i to ˈna aro, ua horoa ˈtu te Atua Iehova, “To te mau mahana tahito,” i te mana no te faatere i te huitaata. E hoˈi mai ïa Iesu, eiaha mai te hoê taata, mai te tahi râ Arii ite-ore-hia.—A taio i te Daniela 7:13, 14.
Eaha ta Iesu e rave ia hoˈi mai o ˈna?
E haava Iesu i te huitaata ia hoˈi mai oia ma te ite-ore-hia e ta ˈna mau melahi. E haamou o ˈna i te taata ino e i tei farii ia ˈna ei Arii, e horoa ˈtu ïa i te ora mure ore.—A taio i te Mataio 25:31-33, 46.
Ei Arii, e faatia faahou Iesu i te feia pohe no te ora i te fenua nei ta ˈna i faariro ei paradaiso.—A taio i te Luka 23:42, 43.
E au atoa outou . . .
TE PAHONO RA TE BIBILIA
Eaha te auraa e hoˈi mai te Mesia?
E ite-mata-roa-hia anei ia hoˈi mai Iesu?
TE PAHONO RA TE BIBILIA
Eaha te Basileia o te Atua?
Mea hau aˈe te Faatereraa arii a te Atua i te mau faatereraa a te taata. No te aha?
TE PARE TIAIRAA
Eaha te tupu i te Mahana Haavaraa?
Ua rau te manaˈo no nia i te Mahana Haavaraa. Ia riaria anei oe i te reira? Eaha ta te reira e faatupu?
