TUMU PARAU MATAMUA | E HINAARO ANEI OE E HAAPII I TE BIBILIA?
Haapiiraa Bibilia no te taata atoa
Ua matau-maitai-hia te mau Ite no Iehova no ta ratou ohipa pororaa. Ua ite anei râ oe na te ao nei, e faatere atoa matou i te haapiiraa Bibilia?
I 2014, ua hau atu 8 000 000 Ite no Iehova i roto 240 fenua e faatere ra fatata 9 500 000 haapiiraa Bibilia i te avaˈe. * Ua rahi aˈe ïa te taata e haapii ra i te Bibilia i te huiraatira e vai ra i roto tau 140 fenua!
No te rave maite i tera ohipa, fatata hoê miria e te afa Bibilia, buka, vea e te tahi atu mau papai ta te mau Ite no Iehova e pia i te matahiti na roto 700 reo! Maoti tera tutavaraa taa ê, e nehenehe te taata e haapii i te Bibilia na roto i te reo ta ratou e hinaaro.
PAHONORAA O TE MAU UIRAA A TE TAATA NO NIA I TA MATOU MAU HAAPIIRAA BIBILIA
Mai te aha te tereraa o te haapiiraa?
E hiˈopoa matou i te mau irava Bibilia ia au i te mau tumu parau e rave rau. A hiˈo na te mau pahonoraa o te mau uiraa e hiti mai: O vai te Atua? Mai te aha to ˈna huru? E iˈoa anei to ˈna? Teihea roa oia? E nehenehe anei e haafatata ˈtu? Te fifi râ, te iteraa ïa eaha te mau irava Bibilia e pahono i tera mau uiraa.
No te tauturu i te taata ia ite i te pahonoraa, e pinepine matou i te faaohipa i te buka Eaha ta te Bibilia e haapii mau ra? * Ua faaineinehia tera papai ia taa ohie te taata eaha te mau haapiiraa tumu i roto i te Bibilia. No nia anei i te Atua, Iesu Mesia, te mauiui, te tia-faahou-raa, te pure e e rave rahi atu â tumu parau.
Afea e ihea e faatupu ai i te haapiiraa?
E nehenehe e faatupu i te reira i te taime e te vahi ta oe e hinaaro.
Eaha te maoro o tera haapiiraa?
E rave rahi te faataa hoê hora i te hebedoma no te haapii i te Bibilia. E nehenehe râ e faatano ia au i to oe tupuraa. E haapii vetahi 10 aore ra 15 minuti noa i te hebedoma.
Ehia moni te haapiiraa?
Mea tamoni ore te haapiiraa e te mau papai e faaohipahia. Ua na ô hoi Iesu i ta ˈna mau pǐpǐ: “I horoa-noa-hia mai ta outou, e horoa noa hoi outou.”—Mataio 10:8.
Afea e hope ai te haapiiraa?
Tei ia oe noa. E 19 pene to roto i te buka Eaha ta te Bibilia e haapii mau ra? E nehenehe oe e haapii hoê aore ra te taatoaraa o te mau pene ia au i to tupuraa.
E titauhia anei ia riro vau ei Ite no Iehova?
Aita. Ua ite matou e tiamâraa to te taata ia maiti i ta ˈna mau tiaturiraa. E nehenehe râ te feia i fanaˈo i te ite papu no nia i te Bibilia e rave i tera faaotiraa.
Eaha te rave no te ite atu â?
Ma te haere i nia i te reni jw.org, e ite atu â oe eaha te mau tiaturiraa e ohipa a te mau Ite no Iehova.
E nafea ia fanaˈo i te tahi haapiiraa Bibilia?
-
A faaî i ta oe parau aniraa i nia www.pr418.com/ty.
-
No te niuniu i te mau Ite no Iehova, a hiˈo “Les Témoins de Jéhovah” i roto i te buka o te mau numera niuniu o to oe fenua.
E au atoa outou . . .
OHIPA PIARAA
Tei neneihia na te ao atoa ia haapii te taata no nia i te Atua
Na te ao atoa, e 15 fare neneiraa ta te mau Ite no Iehova o te nenei ra i te mau papai niuhia i nia i te Bibilia na roto e 700 aˈe reo.
TE PAHONO RA TE BIBILIA
E tauturu mai anei te Bibilia ia oaoa to ˈu utuafare?
Ua tauturu aˈena te mau aˈoraa Bibilia î i te paari e mirioni tane e vahine ia fanaˈo i te hoê utuafare oaoa.
NO NIA IA MATOU
Eaha te ravehia i te hoê haapiiraa Bibilia?
E pûpû te Ite no Iehova na te ao nei i te hoê porotarama haapiiraa Bibilia tamoni ore. A hiˈo i te tereraa o te reira.
NO NIA IA MATOU
A ani i te hoê farereiraa
Aparauraa no nia i te Bibilia aore ra no te ite atu â no nia i te mau Ite no Iehova.
NO NIA IA MATOU
No te aha e haapii ai i te Bibilia?
E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?
