Aita ˈtu â paha ohipa e faataa ê ia matou maori râ ta matou ohipa pororaa i tera e tera fare e te mau vahi taata atoa. No te aha matou e rave ai i tera ohipa?

E poro te mau Ite no Iehova no te faahanahana i te Atua e no te faaite i to ˈna iˈoa. (Hebera 13:15) Te hinaaro atoa ra matou e auraro ia Iesu Mesia o tei faaue: “E teie nei, e haere outou e faariro i te mau fenua atoa ei pǐpǐ, . . . ma te haapii atu ia ratou i te haapao i te mau mea atoa ta ˈu i parau atu ia outou na.”—Mataio 28:19, 20.

Hau atu â, te here ra matou i to matou taata-tupu. (Mataio 22:39) Ua ite matou e haapaoraa iho â ta te rahiraa e eita te taatoaraa e anaanatae i ta matou poroi. No matou râ, e faaora te mau haapiiraa Bibilia i te taata. No reira matou e tamau ai i te haapii e te poro i te parau apî oaoa no nia i te Mesia mai te mau Kerisetiano matamua.—Ohipa 5:41, 42.

E ere te mau taata atoa o te taio i ta matou mau papai i te Ite no Iehova. No te tahi atu haapaoraa atoa te mau mirioni taata o te haapii i te Bibilia e matou. Noa ˈtu râ, te mauruuru nei ratou ia farerei atu te mau Ite no Iehova.

E uiraa ê paha ta oe no nia i te mau Ite no Iehova. E faaitoito matou ia oe ia ite i te pahonoraa

• Ma te ui i te tahi Ite no Iehova.

• Ma te hiˈo i nia i ta matou reni jw.org.

• Ma te haere i ta matou mau putuputuraa, mea tamoni ore e no te taata atoa.