Өг-бүлелерниң чарлып турарын бо-ла дыңнаар бис. Ынчаарга аас-кежиктиг өг-бүлелерниң чажыды чүдел?

• 1990 чылдан 2015 чылга чедир АКШ-та 50 хардан өрү улустуң чарлып турары ийи катап көвүдээн, а 65 хардан өрү улустуң чарлып турары үш катап көвүдээн.

• Ада-иелер аай-бажын тыппайн турар: чамдык экспертер ажы-төлүңерни үргүлчү мактап-ла туруңар дээр, а өскелери холга шыңгыы тудуңар дээр.

• Аныяк оолдар-кыстар белен эвес тургаш-ла, өгленип-баштанып турарлар.

Ынчалза-даа:

• Өг-бүле аас-кежиктиг болгаш быжыг бооп болур.

• Ада-иелер ажы-төлүн ынакшылдыы-биле кижизидип ап болур.

• Ажы-төл чуртталгага херек шынарларны сайзырадып ап шыдаар.

Ону канчаар чедип ап болур? «Оттуп келиңер!» деп журналдың бо үндүрүлгезин номчааш, аас-кежиктиг өг-бүлелерниң 12 чажыдын билип алыңар.