Чаа Зеландиядан угбавыс «Заботьтесь друг о друге» деп видеодан Иегова кижилерни анаа бодаарындан аңгыда, кээргээр болгаш, оларга дузалаар деп билип алган (Иса. 63:7—9). Угбавыс өөренип алган кичээлин херек кырында ажыглаан. Ол хүн аъш-чем садып ап чорааш, тояап чоруур херээжен кижиге таварышкаш, кады чемненип алыр кылдыр чалаан. Ол чөпшээрешкен. Угбавыс аъш-чем ап алгаш келгеш, «Хилинчек-човалаңның төнчүзү кээр бе?» деп буклеттиң дузазы-биле суртаалдаан.

Ол херээжен кижи ыглап бадырыпкан. Ол бичиизинден Иегованың Херечизи кылдыр өзүп келгенин, хөй чылдар бурунгаар алыс шынны каапканын тайылбырлаан. Ынчалза-даа чоокта чаа эглип кээринге дузалаарын Иеговадан мөргүп дилээнин чугаалаан. Угбавыс Библияны бергеш, өөренир кылдыр дугуржуп алган a.

Төрелдеривиске, чыышта акы-угбаларга Иегова ышкаш кээргелди көргүзүп болур бис. Кээргел Бурганның аазаашкыннарын чугаалаар аргалар дилээринче идигни бээр.