Хууда шинчилел кылыр үевис хөй эвес. Ол үнелиг үени эң эки кылдыр канчаар ажыглап болур? Бирээде, далашпаңар. Дүргени-биле хөй информация көөрүнүң орнунга, эвээш информацияны ханы шинчилээни дээре.

Ийиде, кол чүүлдерни тодарадып алыңар (Эф. 5:15, 16). Каш сүме бар:

• Библияны хүннүң-не номчуңар (Ыд. ыр. 1:2). Эгезинде «Чуртталгавыс болгаш бараалгалывыс» деп кыдыраашта Библияны неделя санында номчуур графикти ажыглап болур силер.

• «Таңныыл суургазының» сайгарылгазынга база ажыл хүнүнде эртер ужуражылгага киржир дээш белеткенип алыңар (Ыд. ыр. 21:23).

• Үеңер бар болза, jw.org сайтыда тарадыр журналдарны, видеоларны база статьяларны эрттирбейн номчуп, көрүп туруңар.

• Кандыг-бир берге айтырыыңарны шиитпирлээринге информация херек азы Библиядан бир-ле чүүлдү эки билип алыксаар чадавас силер. Ол темаларны шилип алгаш, шинчилеңер. Солун бодалдарны jw.org сайтыда «Библейские задания» деп кезектен база тып ап болур.