18-ки ӨӨРЕНИР СТАТЬЯ
Иисусту эдереринге чүү шаптыктап болур?
«Меңээ бүзүрелин чидирбес кижи амыр-чыргалдыг боор» (МФ. 11:6).
ЫРЫ: 77 Караңгы делегейде чырык
ДОПЧУЛАЛ *
1. Төрелдериңерге болгаш эш-өөрүңерге алыс шынны чугаалаарыңарга, олар ону канчаар хүлээп алганыл?
АЛЫС шынны тып алгаш, чүнү миннип турганыңарны сактыр-дыр силер бе? Ыдыктыг Бижилгеде алыс шын силерге дыка чоок болган! Өске улус база алыс шынны, силер дег, өөрүп хүлээп алгаш, аас-кежиктиг апарып, келир үеде кайгамчыктыг идегелдиг болур деп бодап турган чадавас силер (Ыд. ыр. 118:105). Ынчангаш төрелдериңерге болгаш эш-өөрүңерге билип алган чүүлүңерни үлежириңерге, олар ону сонуургаваан чадавас.
2, 3. Иисуска улус колдуунда кандыг хамаарылгалыг турган?
2 Улус буянныг медээни дыңнавас болза, кайгавас ужурлуг бис. Чүге дизе Иисус кайгамчык хуулгаазыннарны Иегованың деткимчези-биле кылырга-даа, улус аңаа бүзүревээн. Чижээ, Иисус Лазарны диргизиптерге, иудей шажын башкарыкчылары ону көрген хирезинде-ле, Иисусту Мессия деп хүлээвээн. Олар безин Иисус биле Лазарны өлүрер деп бодап алганнар! (Ин. 11:47, 48, 53; 12:9—11).
3 Улустуң хөй кезии ону Мессия кылдыр хүлээвес деп, Иисус билир турган (Ин. 5:39—44). Ынчангаш ол Иоанн Медеглекчиниң өөреникчилеринге мынча дээн: «Меңээ бүзүрелин чидирбес кижи амыр-чыргалдыг боор» (Мф. 11:2, 3, 6). Ынчаарга Иисуска чүге хөй улус бүзүревейн турганыл?
4. Бо статьяга чүнү сайгарар бис?
4 Бирги векте хөй улус чүге Иисуска бүзүревейн турганының каш чылдагаанын бо болгаш дараазында статьяга көөр бис. Оон ыңай амгы үеде буянныг медээни улустуң чүге дыңнаар хөңнү чогун сайгарар бис. А эң чугула чүүл, Иисуска бүзүреливисти чидирбезинге чүү дузалап болурун билип алыр бис.
1. ИИСУСТУҢ УК-ЫЗЫГУУРУ
Иисуска бүзүрээринге хөй улуска чүү шаптыктаан? Ооң ук-ызыгууру. Амгы үеде шак ындыг чүүл Иисуска бүзүрээринге канчаар шаптыктап болур? (5-ки абзац.) *
5. Чамдык улус Иисусту чүге Мессия деп санавас турган?
5 Иисустуң ук-ызыгууру чамдык улустуң сеткилинге кирбээн. Олар ону кайгамчыктыг хуулгаазыннар кылыр тергиин башкы деп турган-даа болза, оларның караанга Иисус бөдүүн бызаңчының оглу турган. Оон аңгыда, ол Назарет деп бичии хоорайга чурттап чораан. Соонда Иисустуң өөреникчизи апарган Нафанаил безин: «Назареттен өөделиг чүве тыптыр деп бе ынчаш?» — деп айтырган (Ин. 1:46). Ол Назарет хоорайга таарзынмас болгаш, ынча дээн чадавас. Чок болза, Нафанаил Мессияны Назаретке эвес, а Вифлеемге төрүттүнер ужурлуг деп Михей 5:2-де өттүр билген медеглелге хамаарыштыр бодалды чугаалаан чадавас.
6. Улус Иисусту Мессия деп билип алырынга чүү дузалаар турган?
6 Библияда чүү дээнил? Мессияның дугайында дыка хөй өттүр билген медеглелдер бар. Ынчалза-даа Исайя медээчи улус ону херекке албас боор деп баш удур бижээн (Иса. 53:8). Бир эвес олар фактыларны кичээнгейлиг хынап көрген болза, Михейниң баш удур чугаалааны дег, Иисусту Вифлеемге төрүттүнген база ол Давидтиң ук-салгалындан тывылган деп тодарадып аар турганнар (Лк. 2:4—7). Ынчалза-даа олар шинчилел кылбайн, Иисусту Мессия эвес деп шын эвес түңнелдерге келген.
7. Амгы үеде хөй улус чүге алыс шынны хүлээвейн турар?
7 Амгы үеде шак ындыг чүүл болуп турар бе? Ийе. Иегованың Херечилериниң хөй кезии — бөдүүн чон. Ынчангаш хөй кижилер оларны «эртем-билиг чок, бөдүүн улус» деп санаар (Аж.-ч. 4:13). Чамдыктары бисти тускай шажын школаларынга өөренмээн хирезинде, улусту Библияга канчап өөредип турарлар дээр. А өскелери Иегованың Херечилери дээрге американ шажын-дыр дээр. Херек кырында Американың Каттышкан Штаттарында Иегованың Херечилериниң чүгле 14 хуузу бар. Улустуң чамдыызы Иегованың Херечилерин Иисуска бүзүревейн турар деп бодаар. А хөй чылдар дургузунда Иегованың Херечилерин бирде коммунистер, бирде американ шпионнар азы экстремистер деп адап келген. Ындыг улус чүү шын, а чүү меге дээрзин эки хынап албайн, дидир-дидирлерге бүзүреп чоруур. Ынчангаш олар алыс шынны хүлээвейн турар.
8. Ажыл-чорудулга 17:11-ден алырга, Бурганның алыс шын бараалгакчыларын канчаар тодарадып ап болур?
8 Бүзүрелди чидирбезинге чүү дузалаар? Фактыларны хынаар болза эки. Лука шак ынчаар кылып, бодунуң Буянныг медээзин «эгезинден тура хынамчалыг шинчилеп көргеш», бижээн. Чүге дизе ону соонда номчуур улус Иисустуң дугайында дыңнаан чүүлүнге шынзыгар кылдыр, ол күзээн (Лк. 1:1—4). Верия хоорайдан еврейлер база Лука ышкаш кылган. Олар Иисустуң дугайында дыңнаан чүүлүн Еврей Бижилгелер-биле шүүштүрүп хынап, шинчилелди кылганнар. (Номчуптуңар: Ажыл-чорудулга 17:11.) Ооң-биле дөмей, фактыларны эки хынап, Иегованың Херечилериниң өөредиглерин Бурганның Сөзү-биле шүүштүрер болза эки. Оон аңгыда, амгы үеде Иегованың Херечилериниң ажыл-чорудулгазын эки билип алыры чугула. Эки шинчилелдер кылып турар кижи хоп-мегеге азы Бурганның бараалгакчыларын көрбес улустуң салдарынга алыспас боор.
2. ИИСУС УЛУСТУ КАЙГАДЫР ДЭЭШ, ХУУЛГААЗЫННАРНЫ КЫЛБААН
Иисуска бүзүрээринге хөй улуска чүү шаптыктаан? Ол улусту кайгадыр дээш, хуулгаазыннар кылбаан. Амгы үеде шак ындыг чүүл Иисуска бүзүрээринге канчаар шаптыктап болур? (9, 10-гу абзацтар.) *
9. Иисус дээрден кайгамчык демдекти көргүспеске, улус канчалган?
9 Чамдык улус Иисустуң сөстерин дыңнааш, ону Мессия деп бүзүревейн турган. Олар Иисустан «дээрден кайгамчык демдектен көргүзерин дилеп турганнар» (Мф. 16:1). Олар Даниил 7:13, 14-те сөстерни шын эвес билип турган чадавас. Бурганның күзел-бодалы-биле алырга, ол сөстер келир үеде күүсеттинер ужурлуг турган. Иисус — Мессия деп чүүлге шынзыгарынга ооң өөредиглерин билип алыры чедер турган. Иисус оларның күзээни дег, хуулгаазынны көргүспеске, олар аңаа бүзүревээннер (Мф. 16:4).
10. Исайя 42:1, 2-де бижээн Мессияның дугайында сөстерни Иисус канчаар күүсеткенил?
10 Библияда чүү дээнил? Исайя медээчи Мессияның дугайында: «Ол алгырбас база кырышпас, дыңзыдыр чугаалавас, ооң үнү кудумчуларга дыңналбас» — дээн (Иса. 42:1, 2). Шынап-ла, Иисус бодунга артык кичээнгей хаара тутпас турган. Ол улуг өргээлерни-даа тутпаан, хүрээ бараалгакчылары дег, тускай хеп-даа кедип чорбаан база ону кандыг-бир бедик ат-дужаал-биле адаарын улустан негевейн турган. А кажан ону шиидип турда, Иисус Ирод хаанга, ооң дилээни ёзугаар, кайгамчык чүүлдү көргүспээн (Лк. 23:8—11). Иисус черге хуулгаазыннарны кылып чораан-даа болза, ооң кол сорулгазы — Бурганның Чагыргазының дугайында медээни суртаалдаары турган. Ол өөреникчилеринге безин мынча дээн: «Кылыр дээш келген херээм-не ол болгай!» (Мк. 1:38).
11. Амгы үеде чамдык улус шажын-чүдүлгеге хамаарыштыр кандыг шын эвес көрүштүг?
11 Амгы үеде шак ындыг чүүл болуп турар бе? Ийе. Хүрээ-хииттерниң ишти-даштын чараштыр каастаанын, ында ажылдакчыларның бедик ат-дужаалдарын база ёзулалдарны кайы хире бай кылдыр эрттирип турарын көргеш, улус магадаар. Ол ёзулалдарның кайыын укталганын улус таптыг билбес боор. Ындыг хүрээ-хииттерде Бурганның болгаш Ооң күзел-бодалының дугайында өөредип турар бе? А бистиң чыыштарывысче келген улус Иегованың дугайында билип ап турар. Хуралдаар залдарывыс каас-коя эвес-даа болза, аянныг болгаш арыг-силиг. Ында удуртукчу акыларның тускай хеви-даа, ат-дужаалдары-даа чок. Бистиң бүзүреливис болгаш өөредиглеривис Бурганның Сөзүнге үндезилеттинген. Ынчалза-даа хөй улус шажынывысты хөлүн эрттир бөдүүн деп санап, бистиң өөредиглеривиске таарзынмайн турар.
12. Еврейлерге 11:1, 6-дан алырга, бүзүреливис чүү чүвеге үндезилеттинген боор ужурлуг?
12 Бүзүрелди чидирбезинге чүү дузалаар? Павел элчин Римде христианнарга мынча дээн: «Бүзүрел Буянныг Медээни дыңнап турар улуска чедип кээр-дир. А Буянныг Медээ Христос дугайында суртаал дамчыштыр чедип кээр» (Рим. 10:17). Ынчаарга быжыг бүзүрелдиг болур дизе, хүрээлерде каас-коя кылдыр эрттирип турар ёзулалдарны сагыырының орнунга, Библияны ханы шинчилээр болза эки. Быжыг бүзүрелди ылап шын билиглерге үндезилээри чугула, чүге дизе «бүзүрел чок болза, Бурганның сеткилинге кирери» болдунмас. (Номчуптуңар: Еврейлерге 11:1, 6.) Ынчангаш алыс шынга шынзыгарынга биске дээрден кайгамчык демдектерниң херээ чок. Библияда өөредиглерни боттарывыс ханы шинчилээр-ле болзувусса, биске кандыг-даа чигзиниглер турбас.
3. ИИСУС ЧАМДЫК ИУДЕЙ ЁЗУ-ЧАҢЧЫЛДАРНЫ САГЫВАЙН ЧОРААН
Иисуска бүзүрээринге хөй улуска чүү шаптыктаан? Ол чамдык иудей ёзу-чаңчылдарны сагываан. Амгы үеде шак ындыг чүүл Иисуска бүзүрээринге канчаар шаптыктап болур? (13-кү абзац.) *
13. Хөй улус Иисусту чүге Мессия кылдыр хүлээвээнил?
13 Иисустуң эдерикчилери шээрленмес боорга, Иоанн Медеглекчиниң өөреникчилери кайгап турган. Өөреникчилери чанынга чорда, оларга шээрленген херээ чок деп, Иисус тайылбырлаан (Мф. 9:14—17). Ындыг-даа болза, фарисейлер база ооң өске-даа удурланыкчылары Иисусту, оларның ёзу-чаңчылдарын сагывас боорга, шүгүмчүлеп турганнар. Иисус амыр-дыш хүнүнде аарыг кижилерни экиртиптерге, олар хорадай бергеннер (Мк. 3:1—6; Ин. 9:16). Олар Бурганны хүндүлээн улус бооп, амыр-дыш хүнүн сагып чораан-даа болза, өргээ иштинге садыг-саарылга чорударында багай чүве чок деп санаар турган. Кажан Иисус оларны ол дээш шүгүмчүлээрге, олар аажок хорадаан (Мф. 21:12, 13, 15). Назаретте синагогага суртаалдап тургаш, Иисус оларның чүгле бодун бодаар чоруун база бүзүрел чогун сойгалап, төөгүге үндезилээн деңнелгени чугаалаарга, олар килеңнеп үнген (Лк. 4:16, 25—30). Иисус оларның күзээни дег, алдынмас боорга, хөй улус ону Мессия кылдыр хүлээвээн (Мф. 11:16—19).
14. Иисус Ыдыктыг Бижилгеге дүүшпес ёзу-чаңчылдарга чүге чүүлдүгзүнмейн турган?
14 Библияда чүү дээнил? Иегова Исайя медээчини таварыштыр мынча дээн: «Бо чон Меңээ аксы-сөзү-биле чоок чон-дур, Мени сөс кырында хүндүлээр, а сеткил-чүрээ-биле Менден ырак чон-дур. Оларның Меңээ мөгейиишкини — чүгле кижилерден шиңгээдип алганы сагылга-дүрүмнер-дир» (Иса. 29:13). Ыдыктыг Бижилгеге дүүшпес ёзу-чаңчылдарга Иисустуң чүүлдүгзүнмейн турганы чөп. Кижилерниң чогаадып каан ёзу-чаңчылдарын Бурганның Сөзүнден бедик кылдыр салып турган улус Иеговадан болгаш Ооң чорутканы Мессиядан ойталааннар.
15. Чамдык улус Иегованың Херечилеринге чүге таарзынмас?
15 Амгы үеде шак ындыг чүүл болуп турар бе? Ийе. Иегованың Херечилери Чаа чыл, төрүттүнген хүн дээн ышкаш, Бурганның Сөзүнге дүүшпес байырлалдарны демдеглевес боорга, чамдык улус хомудаар. А өске улус Иегованың Херечилери патриотчу ёзулалдарны азы орнукшудулга ёзу-чаңчылдарын сагывас боорга, хорадаар. Иегованың Херечилериниң ындыг көрүжүнге таарзынмас улус Бурганга шын мөгейип чоруур бис деп шын сеткилинден бүзүрээр. Ынчалза-даа олар Библияда бижээн алыс шынның орнунга бо делегейде нептерээн ёзу-чаңчылдарны шилип алыр болза, Бурганның сеткилинге кирип шыдавас (Мк. 7:7—9).
16. Чүнү канчаар болзувусса эки база чүнү кылбас ужурлуг бис? (Ырлар 118:97, 113, 163—165).
16 Бүзүрелди чидирбезинге чүү дузалаар? Иегованың хоойлу-дүрүмнеринге күштүг ынакшылды сайзырадыр болзувусса эки. (Номчуптуңар: Ырлар 118:97, 113, 163—165.) Дээрде Адавыска сеткиливистен ынак болзувусса, Аңаа таарышпас ёзу-чаңчылдарны сагывас бис. Иеговага ынакшылывысты чүү-даа кошкатпазын!
4. ИИСУС ПОЛИТИКАГА КИРИШПЭЭН
Иисуска бүзүрээринге хөй улуска чүү шаптыктаан? Ол политикага киришпээн. Амгы үеде шак ындыг чүүл Иисуска бүзүрээринге канчаар шаптыктап болур? (17-ги абзац.) *
17. Чамдык улуска Иисуска бүзүрээринге чүү шаптыктап турган?
17 Иисустуң үезинде чамдык улус политиктиг өскерлиишкиннерни аажок манап чораан. Мессия оларны римчилерниң дарлалындан хостаптар дээрзинге идегеп турганнар. Ынчалза-даа кажан олар Иисусту хаан кылып алыр дээрге, ол ынаваан (Ин. 6:14, 15). А өскелер, оларның санында өргээ бараалгакчылары, Иисус-даа политиктиг тургузугну өскертиптерийне дээш коргуп турганнар. Чүге дизе ынчан римчилер оларга берген эрге-дужаалын дедир алгаш баар турган. Бо бүгү Иисуска бүзүрээринге иудейлерге шаптыктап турган.
18. Иисустуң үезинде улус чүгле кандыг өттүр билген медеглелдерни херекке алганыл?
18 Библияда чүү дээнил? Хөй-ле өттүр билген медеглелдерде Мессияны тиилелге эккээр дайынчы деп бижээн-даа болза, өске өттүр билген медеглелдерде ону баштай-ла бистиң бачыттарывыс дээш амы-тынын бээр ужурлуг деп бижээн (Иса. 53:9, 12). Ынчаарга иудейлерниң манаашкыннары чүге шын эвес болган? Чүге дизе олар Мессияның дугайында чүгле сеткилинге киргени өттүр билген медеглелдерни херекке алганнар (Ин. 6:26, 27).
19. Хөй улус бистиң медээвисти чүге дыңнавазыл?
19 Амгы үеде шак ындыг чүүл болуп турар бе? Ийе. Политикага киришпес боорувуска, хөй улус бистиң медээвисти дыңнавас. Олар бисти соңгулдаларга киржир ужурлуг деп санаар. Ынчалза-даа кандыг-бир кижини чагырыкчы кылдыр шилип алыр болзувусса, Иеговадан ойталаанывыс ол деп билир бис (1 Хаан. 8:4—7). Чамдык улус бисти өскелерге ачы-буян кылып, школалар азы эмнелгелер туткан болза деп бодаар. Бис ниитилелдиң бергелерин шиитпирлевейн, кол кичээнгейни суртаал ажылынче салып турар боорувуска, улус медээвисти хүлээвес.
20. Иисустуң сөстеринден алырга, биске чүү эң чугула боор ужурлуг? (Матфей 7:21—23).
20 Бүзүрелди чидирбезинге чүү дузалаар? (Номчуптуңар: Матфей 7:21—23.) Иисустуң биске дааскан даалгазы чуртталгавыста эң чугула боор ужурлуг (Мф. 28:19, 20). Бо делегейниң бергелерин шиитпирлээринче чардыкпас ужурлуг бис. Бис кижилерге ынак болгаш, дузалажыксап чоруур бис. Ынчалза-даа оларга кылып болур эң эки ажыл-херээвис — Бурганның Чагыргазының дугайында алыс шынга өөредип, Иегова-биле найыралдажып алырынга дузалаары-дыр.
21. Чүү чүвеже хөөнненип алыр болзувусса эки?
21 Бирги векте хөй улус Иисусту чүге хулээвээнин база амгы үеде улус ооң эдерикчилерин чүге дыңнавайн турарын көргүскен дөрт чылдагаанны бо статьяга сайгардывыс. Оон өске чылдагааннар бар бе? Ийе, дараазында статьяга дөрт чылдагаанны немей көөр бис. Ынчангаш быжыг бүзүрелдиг болурунче хөөнненип, Иисусту Бурган чоргускан деп черле чигзинмээлиңер!
ЫРЫ: 63 Бис — Иегованың Херечилери бис!
^ 5 абз. Иисус өндүр улуг Башкы турган-даа болза, хөй улус ону Бурган чоргузупкан деп чигзинип турган. Амгы үеде база Иисустуң алыс шын эдерикчилерин хөй-ле улус дыңнавас. Чүге ындыгыл? Ооң дөрт чылдагаанын бо статьяга сайгарар бис. Иисуска бүзүреливисти чидирбес дээш, чүнү канчап болурувусту база көөр бис. Бо болгаш дараазында статьялар Библияны өөренип турар азы чыыштарже кээп турар, ынчалза-даа Иегованың Херечизи апаарындан дидинмейн турар улуска ажыктыг боор.
