Бачыттарны өршээри чүгле Иисустуң бис дээш өргүлүнүң ачызында болдунар (Эф. 1:7). Ынчалза-даа Библияда Бурган шыдажып, Иисус амы-тынны төлевир кылдыр бээриниң мурнунда-ла, «улустуң биеэде... үүлгеткен бачыттарын тоовайн эрттирипкен» дээн (Рим. 3:25). Иегова ону хоойлуга дүүштүр — бодунуң чөптүг чоруунуң негелдезин хажытпайн кылган.

Бурган төлевирни аазаан үеден тура, өргүлдү берипкен деп көөр апарган (Э. д. 3:15; 22:18). Шилип каан үези кээрге, Оглу амы-тынын күзелдии-биле өргүлге салыр деп, Иегова чигзинмээн (Гал. 4:4; Евр. 10:7—10). Иисус черге чурттап чораан үезинде, бачыттарны өршээр эргелиг турган. Төлевирлиг өргүлү бүзүрелин илереткен улустуң бачыттарын дуглаптар деп билир болгаш, ол бачыттарны өршээп шыдаар турган (Мф. 9:2—6).