Силерниң хууда шинчилелиңер канчаар эртип турар? Доктаамал база солун бе? Азы ында-хаая болгаш шыланчыг бе? Шуптувуска ындыг үелер турар. Арыг-силигни үргүлчү сагыырының ажыктыын боданып көрүңер даан. Чунар дизе, үе болгаш күжениишкиннер херек. Ооң соонда кайы хире чиик апаар ийик? Библияны өөренири ооң-биле дөмей (Эф. 5:26). Доора уткалыг кадыкшылга ажыктыг кичээлдерни үспезинге чүү дузалаар?

• Шинчилел кылыр үеңерни планнап алыңар. Библияны хууда шинчилээри «ёзулуг чугула чүүл», ону христиан кижи бүрүзү кылыр ужурлуг (Флп. 1:10, ЧД). Эптиг үени шилип алгаш, саазынга бижээш, көскү черге, чижээ, холодильникке азып алыңар. Азы телефонга сагындырыгдан тургузуп ап болур.

• Бодуңарга таарыштырып алыңар. Чамдык улус үр өөрениринге ынак, а өскелери бичиилеп, үргүлчү номчуттунар. Силерге чүү тааржырын бодуңар эки билир силер. Ынчангаш кичээлдерни бодуңарга таарыштырып алыңар. А үеңер кээрге, өөренир күзел чок болза канчаар? Ындыг үеде чүгле 10 минут өөренир деп шиитпирлеп алыңар. Кыска үе безин, чоктан дээре. Канчап билир, чаңчыга бээриңерге силерни тургузары болдунмас чадавас (Флп. 2:13).

• Теманы баш удур шилип алыңар. Теманы шинчилел үезинде шилип эгелээр болзуңарза, «үени эң дээре кылдыр» ажыглаары болдунмайн баар (Эф. 5:16, ЧД). Ханы шинчилексээриңер статьяларны азы темаларны баш удур бижип алырын шенеп көрүңер. Чижээ, айтырыг тыптып кээрге, дораан демдеглеп алыңар. Кичээлиңер доостур үези кээрге-ле, чыып турар темаларыңарга немей бодалдар тыптып кээп болур.

• Өскерлиринге белен болуңар. Шыңгыы график тургускан ажыы чок. Өөренир хүннү, үени болгаш теманы өскертип ап турар болза эки. Кажан, кайы хире база чүнү өөренири эвес, а неделя санында ону үргүлчү кылыры чугула.

Библияны доктаамал шинчилээр болзувусса, йөрээлдерни албан алыр бис. Ынчан Иеговага оон-даа чоок апарып, мерген угаанныг алдынып өөренгеш, күштүг болур бис (Иис. 1:8).