Библияны хууда шинчилээр үеңер оон-даа түңнелдиг болзун деп күзээр силер бе? Чүү-даа шаптыктавас байдалды тургузуп алыңар. Каш ажыктыг сүмени көрүптээлиңер:

• Эптиг черден шилип алыңар. Болдунар болза, артык эт-сеп чок, арыг, чырык черден тып алыңар. Стол артынга азы арыг агаарга эптиг олуруп ап болур.

• Аңгыланып алырын кызыңар. Иисус «чер чырываанда-ла» «ээнзиргей черге барып» мөргүүр турган (Мк. 1:35). Чааскаан артары болдунмас болза, өг-бүлеңерге азы кады чурттап турар улузуңарга кажан өөренириңерни чугаалаңар. Ынчан ону кичээнгейге алгаш, олар шаптыктавас чадавас.

• Чардыкпаңар. Телефон азы планшет дузазы-биле шинчилел кылыр болзуңарза, чүже-даа чардыкпас дээш, уведомлениелерни өжүргеш, режим полётаны кыпсып алыңар. Чугула херек сактып келзиңерзе, ону соонда кылыр дээш бижип алыңар. Кичээнгей тудары берге апарза, дыштанып, ыңай бээр кылаштап, сула шимчээшкиннерден кылыңар.