Чоокта чаа шинчилээниңер бодалды сагынмас болган силер бе? Кижи бүрүзү ындыг. Чүнү канчаар болза эки? Кол бодалдарны катаптаңар.

Шинчилел үезинде доктаагаш, чаа-ла номчаан чүүлдү бодап көрүңер. Павел элчин акы-угбаларны ону кылырынче: «Чугаалап турар чүүлүмнүң кол утказы мындыг» — деп кыйгырган (Евр. 8:1). Ынчалдыр Павел номчукчуларынга чагаазында сайгарган бодалдарны эдертир бодап, канчаар сайзырап турарын билип алырынга дузалаан.

Шинчилелдиң төнчүзүнде 10 хире минуттан арттырып алгаш, боданып болур силер. Сактып албаан болзуңарза, биче эгелерни азы кол домактарны (абзацтың эгезинде) көргүлептиңер. Чаа билиг таварышса, ону бодуңар сөзүңер-биле тайылбырлаарын шенеңер. Кол бодалдарны катаптаары, билигни сактып алырынга өөредир база ол материалды канчаар ажыглаарын эки билип алырынга дузалаар.