1, 2. Доора уткалыг кандыг чер шимчээшкинин Аггей медээчи өттүр билип медеглээн?

«САДЫГЛАР, эрги бажыңнар каш минута дургузунда буступ калган», «Шупту улус дүвүрелге алзыпкан... Улустуң хөй кезии ону каш минут ишти болган дээр, а мен бодаарымга, дыка үр үе эрткен ышкаш болган». Бо дээрге 2015 чылда Непалга болган чер шимчээшкинин ажып эрткен улустуң сөстери-дир. Ындыг коргунчуг болуушкуннар уттундурбас боор.

² Ынчалза-даа бистиң караавыста доора уткалыг чер шимчээшкини болуп турар. Ол чер шимчээшкини анаа-ла бир хоорайда азы чуртта болбайн турар, ону шупту чоннар он-он чылдар дургузунда эскерип чоруур. Ону Аггей медээчи мынчаар өттүр билип медеглээн: «Аг-шериглиг Дээрги-Чаяакчы мынча деп чугаалаан: „Үр болбайн, Мен ам бир удаа дээр биле черни, далай биле кургаг черни силгиир деп тур мен“» (Агг. 2:6).

3. Аггейниң өттүр билип медеглээн «силгиишкинни» дорт уткалыг чер шимчээшкининден чүзү-биле ылгалып турар?

³ Аггейниң бижээн «силгиишкини» буураашкын эккээр бойдус халавынга дөмей эвес. Иегова ооң үре-түңнели эки боор деп чугаалаан: «Бүгү чоннарны силгиир мен, аңгы-аңгы чоннардан үнелиг белектер чедип кээр, бо өргээни чаагай байлак-биле долдурар мен!» (Агг. 2:7). Бо өттүр билген медеглел Аггейниң үезинде чурттап турган улуска чүнү илередип турган? Биске чүнү илередип турар? Бо айтырыгларны сайгарыптаалыңар, оон ыңай бүгү чоннарны «силгиир» дээн өттүр билген медеглелге канчаар киржип болурувусту көөр бис.

4. Иегова чонунче Аггей медээчини чүге чоргузупкан?

⁴ Иегова Аггей медээчиге чугула даалганы берген. Баштай ооң мурнунда болган болуушкуннарны сактып кээлиңер. Аггей б. э. чедир 537 чылда Вавилонга туттуруушкундан Иерусалимче эглип келген улустуң аразынга турган чадавас. Удатпаанда Бурганга шынчы ол улус Иегованың өргээзин катап тудуп эгелээш, ооң таваан салып алганнар (Эзра 3:8, 10). Ынчалза-даа кожа чоннар улузу израильчилерни өргээни тутпазын дээш коргудуп эгелээрге, оларның холу сула салдына берген (Эзра 4:4; Агг. 1:1, 2). Ынчангаш б. э. чедир 520 чылда израильчилер эгелеп алган ажылын төндүрер кылдыр, оларның хей-аъдын көдүрзүн дээш, Иегова Аггейни чоргузупкан (Эзра 6:14, 15) *.

5. Аггейниң медээзи Бурганның чонунуң хей-аъдын чүге көдүрер ужурлуг турган?

⁵ Аггейниң дамчыткан медээзи израильчилерниң Иеговага бүзүрелин быжыктырар ужурлуг турган. Холу сула салдынган еврейлерге медээчи мынча дээн: «Черниң бүгү чону, сорук кирип, ажылдап эгелеңер, Мен, Аг-шериглиг Дээрги-Чаяакчы, силер-биле кады болгай мен» (Агг. 2:4). Эскерип көрүңер, мында Иегова Бодун Аг-шериглиг Дээрги-Чаяакчы дээн. Чүге? Шак ынчаар Ол израильчилерге Ооң эргезинде хөй санныг дээрниң төлээлери бар деп көргүскен. Бурганның күзел-соруун чедиишкинниг күүседир дизе, еврейлер Аңаа долузу-биле бүзүрээр ужурлуг турган.

6. Бүгү чоннарны «силгиир» Мен дээн Иегованың бодалының түңнели кандыг болур ужурлуг турган?

⁶ Иегова Аггейни таварыштыр: «Мен бүгү чоннарны силгиир мен» дээн. Шак ынчаар Ол аңгы-аңгы чоннар чурттап чораан делегей чергелиг Персия дээр күрүнени «силгиир» Мен деп холу сула салдынган израильчилерге аазаан. Ооң түңнели кандыг болур? Баштай Бурганның бараалгакчылары өргээни төндүр тудуптар. Оон еврей эвес улус катап тургустунган өргээге Иеговага чүдүүр дээш оларга катчып кээр. Аггейниң ол медээзи Бурганның чонунуң хей-аъдын көдүрген чадавас! (Зах. 8:9).

7. Бүгү чоннарны «силгип» турар кандыг ажылда киржип турар бис? Тайылбырлаптыңар.

⁷ Аггейниң өттүр билген медеглели амгы үеде канчаар күүсеттинип турар? Иегова катап база бүгү чоннарны «силгип» турар, а бис Аңаа дузалажып турар бис. Канчаар? 1914 чылда Иегова Чагыргазының Хааны кылдыр Иисус Христосту томуйлаан (Ыд. ыр. 2:6). Ол Чагырга делегейниң удуртукчуларынга эки чүү-даа медеглевейн турган. Ол медээ чоннарның төнчүзүнүң келгенин, өскээр чугаалаарга, Иегованың өмүнээзинден чаңгыс-даа чагырыкчы чок турган үениң төнчүзүнүң келгенин илередип турган (Лк. 21:24). Бурганның чону ону билип кааш, чүгле Бурганның Чагыргазы кижилерге идегелди эккээр деп чарлап эгелээн. 1919 чылдан тура олар Чагырганың дугайында өөрүшкүлүг медээни оон-даа чүткүлдүг суртаалдап, бүгү делегейни «силгип» турар (Мф. 24:14).

8. Ырлар 2:1—3-тен алырга, Чагырга дугайында медээге улус кандыг хамаарылгалыг?

⁸ Ол медээге улус кандыг хамаарылгалыг? Колдуунда багай. (Номчуптуңар: Ырлар 2:1—3.) Чоннар Иегованың чагдырган Хаанын хүлээвейн, килеңнеп турар. Оон ыңай олар Чагырга дугайында суртаалдап турар медээвисти өөрүшкүлүг деп санавас. Безин чадаарда чамдык чагыргалар суртаал ажылын хоруп каан! Ол чагыргаларның кежигүннери  Бурганга бараалгап турарын чугаалап турза-даа, боттарының эрге-чагыргазындан чарлыр хире эвес. Бөгүн база, бирги векте дег, Иисустуң өөреникчилерин эрге-чагыргалар истеп сүрүп турары-биле Иегованың чагдырган Хаанынга удурланып турар (Аж.-ч. 4:25—28).

9. Чагырга дугайында медээге улустуң багай хамаарылгазын көргеш, Иегова чүнү канчап турар?

⁹ Чагырга дугайында медээге улустуң багай хамаарылгазын көргеш, Иегова чүнү канчап турар? Харыызын Ырлар 2:10—12-ден тып ап болур: «Хааннар, угаан кирип көрүңер, чер-делегейниң чагырыкчылары, мээң чемелелимни хүлээп алыңар. Дээрги-Чаяакчыга коргуушкун-биле бараан болуңар, коргуп-сүртеп-даа тура, өөрүп-байырлаңар. Ооң оглун хүндүлеңер, оон башка Ол килеңней бээр, а силер орууңарга өлүп каар силер — Ооң килеңи карак чивеш аразында кыптыгар болгай. Оон хоргадал алыр бүгү улус амыр-чыргалдыг». Иегова удурланыкчыларынга Ооң Чагыргазының талазын ээлеп, буруузун миннир арганы берип турар. Ынчалза-даа ол үе дыка эвээш арткан. Бис бо делегейниң «сөөлгү хүннеринде» чурттап чоруур бис (2 Тим. 3:1; Иса. 61:2). Кижилер алыс шынны билип алгаш, Бурганның бараалгакчылары апаар ужурлуг. Ынчангаш таваартаан ажыы чок!

10. Аггей 2:7—9-та чоннарны «силгип» турар медээге улустуң кандыг хамаарылгазын бижээн?

¹⁰ Ындыг-даа бол, ол медээни хүлээп алыр улус турар. Аггейниң өттүр билип медеглээнинде дег, Иегова черни «силгээн» соонда, «үнелиг белектер» чедип кээр, азы Иеговага бараалгаар дээш биче сеткилдиг улус чыглып кээр, дээн *. (Номчуптуңар: Аггей 2:7—9.) Бо бүгү «сөөлгү хүннерде» болур деп, Исайя биле Михей медээчилер өттүр билип медеглээн (Иса. 2:2—4; Мих. 4:1, 2).

11. Кен дээр акывыс Бурганның Чагыргазының дугайында медээни бир дугаар дыңнааш, канчаар хүлээп алган?

¹¹ Бүгү чоннарны «силгип» турар медээ кол башкарылга черинде бараалгап чоруур Кен дээр акывысче кандыг салдарлыг болганын көрүптээлиңер. Кен Чагырга дугайында медээни  40 чыл бурунгаар канчаар хүлээп алганын бо хүнге дээр сактып чоруур. Ол үлешкен: «Бо делегейниң сөөлгү хүннеринде чурттап турарывысты билип кааш, аажок өөрээн мен. Бурганның сеткилинге кирип, мөңге чурттаар дизе, бо бүзүрел чок делегейге ынанмайн, Иегованың талазын быжыг ээлеп алыры чугула деп билип каан мен. Ынчангаш дүрген-не алыс шынның оруунга быжыг туруп алыр күзелимни Иеговага чугаалаан мен. Оон бо делегейден адырлып алгаш, кажанда-даа буурап дүшпес Бурганның Чагыргазындан камгалалды тып алган мен».

12. Кандыг уткалыг сөөлгү хүннерде Бурганның доора уткалыг өргээзи алдар-биле долган?

¹² Иегова бараалгакчыларын деткип турар деп көскү. Сөөлгү хүннерде оларның саны аажок көвүдээн. 1914 чылда Чагырга медээчилериниң саны каш муң турган, а бөгүн Иеговага бүгү чүрээнден бараалгап чоруур улустуң саны сес миллион ашкан! Оон аңгыда, чыл санында Сактыышкын кежээзинче бистиң-биле кады миллион-миллион улус кээп турар. Ийе, Иегованың тургускан арыг чүдүлгезиниң корум-чурумун илереткен чер кырында өргээзи «аңгы-аңгы чоннардан үнелиг белектер-биле» долган. Оон ыңай Аңаа чаа бараалгап эгелээн база чуртталгазында улуг өскерлиишкиннерни кылып, өскээр чугаалаарга, чаа кижи бооп амыдырап эгелээн улус Ооң адын алдаржыдып турар (Эф. 4:22—24).

13. Иегованың чонунуң кайгамчыктыг өзүлдезиниң дугайында оон ыңай кандыг өттүр билген медеглел бар? (Журналдың даштында чурукту көрүңер.)

¹³ Иегованың чонунуң кайгамчыктыг өзүлдезиниң дугайында Аггей медээчиден аңгыда, Исайя медээчи база өттүр билип медеглээн. Ооң дугайында Исайя 60-гы эгеде бижээн. Чижээ, 22-ги шүлүк: «Оларның эң бичезинден муң кижи укталыр, эң чөгенчиинден — эңдерик чон укталыр. Мен, Дээрги-Чаяакчы, үези кээрге, ону боттандырарынче далажыр мен». «Үнелиг белектерниң» хүнден хүнче көвүдеп, Бурганның чонунче катчып турары кайгамчык. Чагырга дугайында өөрүшкүлүг медээни суртаалдаар дээш, ол улус арга-мергежилин база салым-чаяанын ажыглап чоруур. Ооң ачызында Иегованың бараалгакчылары, Исайяның чугаалааны-биле алырга, «бүгү чоннарның сүдүн» ижип турар (Иса. 60:5, 16). Ажыл-чорудулгавысче  күжүн үндүрүп турар эргим акы-угбаларга өөрүп четтирер-дир бис. Суртаал ажылы бөгүн 240 чурттарда болгаш девискээрлерде тараттынып турар, а дептерлеривис 1000 ажыг дылда үнүп турар.

14. Кижи бүрүзү кандыг шиитпир хүлээр ужурлуг?

¹⁴ Бүгү чоннарны «силгип» турар суртаал ажылы улусту Бурганның Чагыргазының талазын ээлеп алыр бе азы бо делегейниң бе деп шиитпир кылырынче чыгап келген. Шак ындыг шиитпирни кижи бүрүзү хүлээр ужурлуг. Иегованың бараалгакчылары чуртунуң хоойлуларын сагып чоруур, ынчалза-даа политиказынга киришпейн турарлар (Рим. 13:1—7). Олар чер кырында шупту бергелерни чүгле Бурганның Чагыргазы шиитпирлээр деп билир. А ол Чагырга бо делегейден эвес (Ин. 18:36, 37).

15. Ажыдыышкын номундан алырга, Бурганга бердингенивис канчаар шенеттинер?

¹⁵ Ажыдыышкын номундан алырга, сөөлгү хүннерде Бурганга бердингенивис шенеттинер. Удурланыышкыннар болгаш истеп сүрүүшкүннер бисти хөме алыр. Бо делегейниң чагырыкчылары чүгле оларга бердинген болурувусту негээр база оларны деткивес улусту истеп сүрер (Ажыд. 13:12, 15). Олар «бүгү улусту: улуг, бичии, бай, ядыы, хостуг, кул деп ылгал чокка, оң холунга азы хаваанга таңма бастыртып, демдектедиринче албадай» бээр (Ажыд. 13:16). Бурунгу үеде кулду кымга хамааржырын билип алыр дээш демдектеп каар турган. Ооң-биле дөмей, амгы үеде кижи бүрүзүн доора уткалыг оң холунга азы хаваанга таңмалыг болурун негээр. Оон кижилерниң угаан-бодалындан база ажыл-херээнден кандыг политиктиг системаны деткип турары көскү боор.

16. Бурганга бердингенивисти кажангызындан-даа артык чүге быжыктырар ужурлуг бис?

¹⁶ Кижи чагыргаларын деткип турарыңарны көргүзүп, ындыг демдекти салдырарын чөпшээрээр силер бе? Чөпшээрешпес болзуңарза, бергелерге, безин айыылга, таваржырынга белен болуңар. Библияда: «Ындыг демдек чок кижи чүнү-даа садып аар азы садар эрге чок» — дээн (Ажыд. 13:17). Ынчалза-даа Бурган ындыг демдектиг улуска шииткелди үндүрүп каан (Ажыд. 14:9, 10). Ынчангаш Бурганның бараалгакчылары өске демдекти шилип ап турар бис. Өскээр чугаалаарга, бис холувуста «Мен Дээрги-Чаяакчыга хамааржыр мен» деп бижип ап турар бис (Иса. 44:5). Бөгүн база кижи бүрүзү бодундан чугула айтырыгны салыр ужурлуг: «Бурганга бүрүнү-биле бердинген мен бе?» Ийе болза, Иегова бисти өнчүзү кылдыр өөрүшкүлүг хүлээп алыр!

17. Иегованың шыдамык чоруунуң дугайында чүнү сактыр ужурлуг бис?

¹⁷ Иегова бо каржы делегейниң сөөлгү хүннеринде кайгамчык дээн шыдамык чорукту көргүзүп чоруур. Ол «кымның-даа өлүп чидерин күзевейн» турар (2 Пет. 3:9). Бурган шупту кижилерни буруузун миннип, чуртталгада шын орукту шилип алыр кылдыр арганы берип турар. Ынчалза-даа Бурганның шыдамык чоруу төнчү чок эвес. Бурганның Чагыргазын ээлеп албас улус Моисейниң үезинде фараоннуң ышкаш үлүглүг боор. Иегова фараоннуң дугайында мынча дээн: «Мен күчү-күжүмнү көргүзүп, сенче база албаты чонуңче хамчык аарыгны салыпкан болзумза, чырык чер кырынга амылыг артпас турган ийик сен. Ынчалза-даа Бодумнуң күчү-күжүмнү көргүзер дээш сени кадагалап арттырган мен, ынчан бүгү чер кырында улус-чоннар Мээң адымны билип алыр!» (Хост. 9:15, 16). Ынчап кээрге, төнчүзүнде шупту чоннар чаңгыс алыс шын Бурган — Иегова деп чүүлдү миннир ужурга таваржыр (Иез. 38:23). Ол канчаар болурул?

18. а) Аггей 2:6, 20—22-де кандыг силгиишкин дугайында бижээн? б) Аггейниң сөстери ам-даа күүсеттинер деп кайыын билир бис?

 ¹⁸ Номчуптуңар: Аггей 2:6, 20—22. Хөй чүс чылдар эрткенде, Павел элчин ыдыктыг сүлдеге бүргеткеш, Аггейниң сөстери ам-даа күүсеттинер дээн. Эгезинде Павел Иегованың аазаашкынын катаптаан: «Ам бир удаа черни силгиир мен, чүгле черни эвес, а дээрни база». Улаштыр ол: «„Ам бир удаа“ деп сөстер чүнү көргүскенил? Божаңнадыр силгиттинмес чүүлдер артып калзын дээш, божаңнадыр силгип боор кылдыр чаяаттынган чүүлдү чайладып кааптарын көргүскен-дир» — дээн (Евр. 12:26, 27). «Божаңнадыр силгип» дээн сөстер Аггей 2:7-де сагындырыгдан ылгалдыг. Кажан Бурган дээр биле черни «силгиптерге», Иегованы чагырыкчызы кылдыр хүлээвээн улус, фараон ышкаш, мөңгези-биле узуткадыр.

19. Иегова дээр биле черни «силгээн» соонда, чүү мөңгези-биле артып каар база ону кайыын билир бис?

¹⁹ «Божаңнадыр силгиттинмес чүүлдер артып калзын» дээни-биле Павел чүнү чугаалаксаан? Ол уламчылаан: «Ынчангаш божаңнадыр силгиттинмес Чагырганы хүлээп ап тура, өөрүп четтирген сеткилдиг болуулу база өөрүп четтиргенивис дамчыштыр Бурганга, Ону хүндүткеп-даа, Оон коргуп-сүртеп-даа, эки-чаагай бараан болуулу» (Евр. 12:28). Иегова дээр биле черни «силгээн» соонда, бо эрги делегейден чүгле довурак-доозун артар, а Бурганның Чагыргазы «мөңгези-биле турар» база ол чылча шаптыртпас! (Дан. 2:44; Ыд. ыр. 109:5, 6).

20. Кижилер кандыг шиитпир хүлээр ужурлуг база оларга канчаар дузалап болур бис?

²⁰ Үениң төнчүзү келген! Ынчангаш кижилер узуткаашкынга чедирер орук биле мөңге амыдыралга чедирер оруктуң бирээзин шилип алыр ужурлуг. Өскээр чугаалаарга, улус бо делегейниң дүрүмнерин сагып чурттаар бе азы чуртталгазын Бурганның сеткилинге кирер кылдыр аайлап алыр бе? (Евр. 12:25). Бис суртаал ажылынга киржип тургаш, оларга шын шилилгени кылырынга дузалап турар бис. Бурганның Чагыргазының талазын ээлеп алыр дээн «үнелиг белектер» эвээш эвес. Иисус Христостуң сөстерин сактып тургаш, оларны дилээлиңер: «Дээрниң Чагыргазының дугайында бо Буянныг Медээни бүгү делегейге, хамык чоннарга медеглээн турар, бүгү чүвениң төнчүзү чүгле ооң соонда кээр» (Мф. 24:14).