Шинчилелден чүнү манап турарыңарны боданыңар. Иегова материалды көңгүс манавааныңар таладан ажыдып болур деп утпаңар. Ынчангаш чаа чүүлге өөрениринге белен болуңар. Ону кылырынга чүү дузалаар?

Мерген угаандан дилеңер. Иегова бо үеде силерни чүү чүвеге өөредиксеп турарын көрүп каарынга дузалаарын дилеңер (Иак. 1:5). Ол теманы билир-даа болзуңарза, шуптузун эки билир мен деп бодаваңар (У. ч. 3:5, 6).

«Бурганның Сөзү дириг, дыка улуг күштүг» деп утпаңар (Евр. 4:12, Чаа делегей). Ынчангаш номчаан санывыста-ла, Библия бисти чаа чүүлге өөредир, чүгле ону хүлээп, ажыглаарынга белен болзувусса, ынчан салдарлыг болур.

Иегованың шупту аъш-чемин үнелеңер. Бурганның берип турар билиглери — «бай дой» (Иса. 25:6). Ынчалза-даа чамдык темалар «амданныг эвес» ышкаш болза, үеден бериңер. Ол билиглер чүгле ажыктыг эвес, а чаагай апаарга кайгап каар силер!