Бо айтырыгларга харыылап шыдаар-дыр силер бе? Хынап көрүңер.

Матфей 18:15—17-де Иисус кандыг бачыттарның дугайында чугаалааныл?

Чөрүлдээни улус боттары шиитпирлеп ап болур таварылгаларның дугайында ол чугаалаан. Ынчалзажок, херек шиитпирлеттинмес болза, безин хуралдан үндүртүп болур, элээн аар бачыттарның дугайында Иисус чугаалаан. Ындыг бачыттарже нүгүл азы бузурар чорук кирип турар (bw570-U, арын 7).

Библияның номчулгазы ажыктыг болур кылдыр, чүнү канчап болурул?

Каш сүме: Бурганның Сөзүн номчуурда угааныңарны белеткеп алыңар; номчаан чүүлүңерни канчаар ажыглаарын боданыңар; айтырыгларны салыңар (чижээ: бо шүлүктерни, өскелерге дузалаар дээш, канчаар ажыглап болур мен?); бар херекселдерни ажыглап тургаш, шинчилелди кылыңар (bw570-U, арыннар 24—26).

Диргизиишкинге бүзүрээр болганывыста, чоок кижизин чидиргеш, качыгдап болур бе?

Диргизиишкинге бүзүрел чидиригниң аарышкызындан камгалавайн турар. Сарра чок апаарга, Авраам качыгдап турган (Э. д. 23:2). Чидиригниң аарышкызы чоорту оожургай бээр (bp170-U, арын 4).

Иезекиил 9-ку эгеде узуткаашкын чепсээ туткан алды кижи биле бижээчи херекселдерлиг кижи кымнарны илередип турарыл?

Олар Иерусалимни үреп бузарынга киржип турган база келир үеде Армагеддонга Эрликтиң бузуттуг тургузуун узуткаарынга киржир дээрниң аг-шериин илередип турар. Ол көстүүшкүннүң амгы күүселдезинде бижээчи кижиниң херекселдерин астып алган кижи, камгалал алыр улустуң хаваанга демдек салыр, Иисус Христосту илередип турар (bw571-U, арыннар 16—17).

Библияга чүү айыылдыг бооп болур турганыл?

1) Библейжи бижиктерлиг материалдар, папирус болгаш дириг амытаннарның эттеп каан кежи, үе эртерге, үрелип каар турган; 2) күрүне ажылдакчылары биле шажын удуртукчулары ону узуткаарын кызып турган; 3) Библияның сөзүглелин хажыдарын оралдажып турган (bp172-U, арыннар 4—7).

Амыдыралды канчаар бөдүүнчүдүп болурул?

Чуртталгаңарга чүү херегин тодарадып алгаш, артык чарыгдалдар кылбаңар. Бюджедиңерни акшаңар шаа-биле тургузуп алыңар. Ажыы чок эт-септен адырылгаш, өрелерни төлеп алыңар. Ажылдаар шагыңарны кызыргаш, хөй бараалгаар сорулгадан салып алыңар (bw572-U, арын 10).

Библияныы-биле, алдын-мөңгүнден артык чүү үнелигил?

Бургандан мерген угаан алдын-мөңгүнден үнелиг деп, Иов 28:12, 15 көргүзүп турар. Ындыг мерген угаанны дилеп тургаш, бүзүрелиңерге быжыг болгаш биче сеткилдиг болуңар (bw573-U, арыннар 18—19).

Христиан эр улус сал өстүрүп болур бе?

Чамдык культураларда аянныг таарткан сегел салы өскелерниң кичээнгейин буянныг медээден өскээр чардыктырбас болза, ону эдилээри хоруглуг эвес. Ынчалза-даа чамдык акылар сегел салын өстүрбес деп шиитпирлээн (1 Кор. 8:9). Кезек культураларда болгаш черлерде сегел салын өстүрери ужур-чурумга таарышпас (bw574, арын 21).

Давид биле Голиафтың дугайында библейжи медээге чүге бүзүреп болурул?

Документ ёзугаар, эң-не узун кижиниң дурт-сынындан Голиафтың дурт-сыны 20 хире сантиметр узун турган. Казыышкыннар үезинде «Давидтиң ук-салгалы» деп тывылган бижик Давидти херек кырында чурттап чораан деп шынзыдып турар; ооң чурттап чораанын Иисус база бадыткаан. Тулчуушкун болган черге хамаарыштыр Библияда бижиттинген чүүлдер барымдааларга дүгжүп турар (bp174-U, арын 13).

Билиглерниң, угаап-билиишкинниң, мерген угаанның ылгалы кандыгыл?

Билиглерлиг кижи медээлер биле барымдааларны чыып чоруур. Угаап-билип турар кижи барымдааларның аразында харылзаазын көрүп турар. А мерген угаанныг кижи билиглерни билип алгаш, амыдыралынга ажыглап чоруур (bw575-U, арын 18).