5. Черниң бокталганы

«Черни узуткап турарларны чок кылыр үе келген-дир!» (АЖЫДЫЫШКЫН 11:18).

● Кпор (Нигерия) деп суурдан Пирри дээр кижи пальмадан арага кылып турган. Ынчалза-даа Нигер хемче хөй нефть төгүлген соонда ол бүдүрүлгезин хаар ужурга таварышкан. «Нефть бистиң кеживиске хоралыг, балык-байлаңнарывысты өлүрүп, хемнеривисти хирлендирип турар. Мээң ам амыдыраар чүүм-даа чок» деп, ол чугаалаан.

ФАКТЫЛАР ЧҮНҮ ЧУГААЛАП ТУРАР? Чамдык эксперттерниң демдеглээни-биле алырга, чылдың-на делегей океанынче 6,5 миллион тонн бок октаттынып турар. Ол боктуң чартык кезии чүс-чүс чылдар ишти ирип кээр пластик бооп турар. Ынчалза-даа кижилер черни хирлендиреринден аңгыда, бойдустуң курлавырларын аажок улуг хемчээлдер-биле узуткап турар. Чамдык шинчилелдер-биле алырга, кижилерниң бир чыл ишти ажыглаан бойдус курлавырларын эгидер дизе, Черге бир чыл беш ай херек. «Черниң чурттакчыларының саны өзүп база Черниң курлавырларын ол-ла хевээр ажыглаарын уламчылаар болза, 2035 чылга чедир биске ийи Чер херек апаар» деп, австралий «Сидней морнинг геральд» деп журналда бижээн.

УДУР САНАЛ. Кижилер угаан-сарыылдыг база тывынгыр. Ынчангаш ол айтырыгны шиитпирлээр кандыг-бир арганы тып алгаш, Черни камгалап аар бис.

ШЫНАП-ЛА ЫНДЫГ БЕ? Дыка хөй кижилер болгаш организациялар долгандыр турар бойдустуң хирленип турарынче чоннуң кичээнгейин салыр дээш кызып турарлар. Ынчалза-даа кижилер Черге оон-даа улуг хемчээлдиг хора чедирбишаан хевээр.

ЧҮҮ ДЕП БОДААР СИЛЕР. Черни камгалаар дээш, бо чугула айтырыгже Бурганның киржилгези херек бе?

Бо көргенивис 5 өттүр билген медеглелден аңгыда, Библияда сөөлгү хүннерде бир эки чүүл боор дээн. Ол чүү эвес, билип алыылыңарам.

[Киирилде немелде]

«Мээң чурттап турган кайгамчык чараш дываажаң дег черим, хоралыг бок төгер чер апарган» (АКШ-та МЕКСИКА МУГУЛДУРУНУҢ ЭРИИНДЕ ЧУРТТАП ТУРАР ЭРИН ТАМБЕРНИҢ 2010 ЧЫЛДА НЕФТЬ ТӨГҮЛГЕНИҢ ДУГАЙЫНДА ЧУГААЛААНЫ).

[Көзенек]

Бурган буруулуг бе?

Библияда амгы үеде болуп турар коргунчуг хай-халаптарны баш удур медеглеп кааны дээш Бурганны буруудадып болур бе? Ооң хайы-биле хилинчектенип чоруур бис бе? Бо айтырыгларның харыыларын «Библия херек кырында чүге өөредип турар?» деп номнуң 11-ги эгезинден тып алыр силер. Иегованың Херечилери үндүрген.

[Чурукка хамаарышкан информация]

U.S. Coast Guard photo