2016 чылдың январьдан эгелээш, тарадыр брошюраның сөөлгү арнында «Библияда чүү дээнил?» деп аттыг чаа рубрика тыптып келген. Ооң сорулгазы — библейжи темага чугааны эгелеп алырынга дузалаары. Ол рубриканы буклеттеривистиң хевиринге дөмейлеп тургускан. Ында кижиниң үзел-бодалын билип алыр айтырыг биле Библиядан харыыны, ол ышкаш сайгарар немелде материалды берип каан.

Библейжи темаларга чугааны солун кылдыр чорудар болза, ол чүүл библейжи кичээл эгелеп алырынга дузалаар. Бурганның дугайында билиглер алыксаан улуска дузалаар дээш, бо чаа рубриканы ажыгла (Мф 5:6).

1. Айтырывыт. Бердинген айтырыгларның бирээзинге хамаарыштыр кижиниң үзел-бодалын айтырывыт

2. Дыңна. Кижини дыңнааш, ооң харыызы дээш четтиргениңни илерет

3. Номчувут. «Библияда чүү дээнил?» деп биче эгениң адаанда библейжи шүлүктү номчупкаш, кижиниң шүлүкке хамаарыштыр бодалын айтырывыт

4. Брошюраны сүмеле

5. Дугуржуп ал. Ийи дугаар айтырыгны сайгарар дээш, катап ужуражыр кылдыр, дугуржуп ал