Библияда бараалгакчыларының мөргүлдеринге Иегованың канчаар харыылап турган чижектери хөй. Бурган хууда мөргүлдерни дыңнап, дузалаанын көргеш, бараалгакчыларының бүзүрели быжыгып турганы чугаажок. Ынчангаш тодаргайы-биле мөргүп, Иегова канчаар харыылаарын эскерээлиңер! Сактып чоруулуңар: харыызы манаанывыстан өске боор чадавас, безин дилээнивистен оранчок хөйнү Ол берип болур (2Кр 12:7—9; Эф 3:20). Иегова бистиң мөргүлдеривиске канчаар харыылап турар? Ол биске:

• бергелер-биле туржурунга мага-ботка, сагыш-сеткилге күштү берип болур (Фп 4:13);

• шын шиитпирни үндүреринге мерген угаанны берип болур (Иак 1:5);

• күжениишкиннер үндүрер күзелди болгаш күштү берип болур (Фп 2:13);

• кажан дүвүреп турувуста, оожургалды берип болур (Фп 4:6, 7);

• сеткил-сагыжывысты оожургадып, акша-төгерик талазы-биле дузалаарын өскелерни оттуруп болур (1Ин 3:17, 18);

• мөргүп турган улузувуска дузалажып болур (Ажч. 12:5, 11).

«ИЕГОВА — „СЛУШАТЕЛЬ МОЛИТВ“» ДЕП ВИДЕОНУ КӨРГЕШ, ХАРЫЫЛА:

• Кадыың кошкак болза, Симидза акывыстың үлегери сени канчаар күш киирип болур?

• Симидза акывыстың үлегери сени чүү чүвеге өөретти?