Эгелекчи бараалгалды эки планнап алыры чугула. Неделяда 18 шак суртаалдап тургаш, эгелекчи кылдыр бараалгап болур сен. Ооң кадында хостуг үең база артып каар! Ындыг график баш бурунгаар көрдүнмээн байдалдарны, чижээ аарыг-аржыкты азы агаар-бойдустуң өскерлиишкиннерин херекке алырынга дузалаар. Адаанда бердинген таблицада чартык хүн база бүдүн хүн ажылдаар, ол ышкаш кадыы багай болгаш күжү эвээш кижилерге таарышкан графиктерниң янзы-бүрү хевирлерин берип каан. Силерниң өг-бүлеңер кезек өскерлиишкиннерни кылыптар болза, кайы-бирээңер тос айдан эгелеп, эгелекчи бооп бараалгап болур. Ол айтырыгны өг-бүлеңер-биле чүдүп турар үеңерде чүге сайгарып болбас деп?