Өг-бүлениң кежигүннерин ынакшыл, быжыг хырба ышкаш, каттыштырар. Өг-бүлеге кады ажылдажырынга база демниг болурунга ынакшыл дузалаар. Ашак-кадай улус база ада-ие улус ынакшылды канчаар сайзырадып болур?

Кадайынга ынак эр кижи эжиниң күзелин, бодалын болгаш сеткилин кичээнгейге алыр (Эф 5:28, 29). Ол өг-бүлезин азырап, кижи бүрүзүнүң Бурган-биле найыралы быжыг боорун сагыш-човаар. Чижээ, ол өг-бүле мөгейиишкинин доктаамал эрттирип турар (1Тм 5:8). Ашаанга ынак херээжен кижи ону хүндүлеп база чагыртыр (Эф 5:22, 33; 1Пт 3:1—6). Ашаа-даа, кадайы-даа бот-боттарын өршээп өөренир ужурлуг (Эф 4:32). Сагыш човангыр ада-иелер ажы-төлүнүң кижи бүрүзүнге кичээнгейин көргүзүп, оларны Иеговага ынак кылдыр өөредир (Ыхк 6:6, 7; Эф 6:4). Ада-иелер ажы-төлүнүң школада байдалын, кандыг бергелерге таваржып турарын айтырар. Өг-бүледе ханы ынакшыл бар болза, кижи бүрүзү бодун камгалалдыг кылдыр миннир.

«ӨГ-БҮЛЕҢЕРГЕ ЫНАКШЫЛЫҢАРНЫ КӨРГҮЗҮҢЕР» ДЕП ВИДЕОРОЛИКТИ КӨРГЕШ, БО АЙТЫРЫГЛАРГА ХАРЫЫЛА:

• Кадайынга ынак эр кижи эжин канчаар «чемгерип, ажаап-тежээп» турар?

• Ашаанга ынак херээжен кижи ханы хүндүткелин канчаар көргүзүп турар?

• Ынакшылдыг ада-иелер ажы-төлүн Бурганның Сөзүнге ынак болур кылдыр канчаар өөредип турар?