Кижизидилге хемчеглериниң кол сорулгазы — өөредип, тайылбыр кылыры, а чамдыкта боданзын дээш кезедири. Иегова бисти экижип, негелделерге оон-даа эки дүгжүр кылдыр кижизидип турар (Рм 12:1; Евр 12:10, 11). Чамдыкта кижизидилге хемчеглери хөлчок аарышкылыг болур. Ындыг-даа болза дузаны хүлээп алыр болзувусса, Бурганның караанга арыг апаар бис. Ынчан Ол бисти деткип, чүүлзүнер (Уч 10:7). Дуза кадып база дузаны ап-даа турар улуска чүнүң дугайында утпазы чугула?

Дуза чедирип турар кижи. Удуртукчулар, ада-иелер болгаш өске-даа христианнар Иеговадан үлегер ап, ажы-төлүн ынакшылдыы-биле кижизидип, өөредирин кызып турарлар (Иер 46:28). Шыңгыы кеземче херек апарганда безин шупту байдалды өөренип көргеш, ол кижиге эки хамаарылганы көргүзери чугула (Тит 1:13).

Дузаны ап турар кижи. Кижизидилге хемчеглери кандыг-даа болза, дузаны хүлээп алыр болза эки (Уч 3:11, 12). Шупту бачыттыг болганывыста сүмелер, сагындырыглар биске херек. Сагындырыгларны Библиядан номчуп азы чыыштарга дыңнап болур бис. А бир эвес шыңгыы байдал болза, шииткел комитединиң киржилгези херек. Дузаны хүлээп алыр болзувусса, амгы үеде чуртталгавыс экижиир, а келир үеде мөңге чурттаар бис (Уч 10:17).

«ИЕГОВА ЫНАК КИЖИЗИН КЕЗЕДИР» ДЕП ВИДЕОРОЛИКТИ КӨРГЕШ, БО АЙТЫРЫГЛАРГА ХАРЫЫЛА:

• Каноннуң чуртталгазы эгезинде кандыг турган, оон чүү өскерли берген?

• Иегова ол акывыска ынакшылын канчаар илереткен база чыышче дедир эглип кээринге канчаар дузалаан?

• Ол төөгүде биске кандыг өөредиг бар?