Тергиин эвес болганывыста, күзелдеривиске алыспазынга үргүлчү демисел херек. Шын эвес күзелдеривисти сула салыр болзувусса, Иегова-биле найыралывысты чидирип ап болур бис. Чижээ, чамдык улустуң амданныг чем чиир, чараш кеттинер база аянныг бажың-балгаттыг болур күзелдери Бурганга ынакшылды үндүр кызыптар. Өскелери боттарының эр-херээжен күзелдерин хандырар дээш, Бурганның дүрүмнерин үреп турар (Рм 1:26, 27). Үшкүлери, чүгле оларны магадазын база боттарының улузу ышкаш саназын дээш, хөйнүң талазынга алзып турар (Хос 23:2).

Күзелдеривисти канчаар хынап болур бис? Бурган-биле найыралды быжыглаарынга, болдунар-ла чүүлдү кылыры чугула (Мф 4:4). Оон аңгыда күзелдеривиске алыспазынга, дузаны Иеговадан дилээр ужурлуг бис. Чүге дизе Иегова бисти эки билир болгаш, шын күзелдеривисти деткиир (Ыр 144:16).

«НЕ ПРОКУРИ СВОЮ ЖИЗНЬ!» ДЕП ВИДЕОНУ КӨРГЕШ, ХАРЫЫЛА:

• Чамдык кижилер чүге таакпылап чоруур?

• Таакпының мага-ботка салдары кандыг?

• Таакпы тыртары чүге багай чаңчыл? (2Кр 7:1).

• Таакпыны каап, ол багай чаңчылды канчаар тиилеп ап болур?