Бурганның сеткилинге кирер дизе, Библия өөренип турар кижи бүзүрелин быжыглап, сайзырадыр ужурлуг (Евр 11:6). Ол сорулганы чедип алырынга, «Аас-кежиктиг мөңге чуртта!» деп ном дузалаар. Кол библейжи шүлүктерни, шын угаап бодаар айтырыгларны, видеоларны болгаш өңнүг чараш чуруктарны ол номда киирген. Бурганның өңнүү болурунга база христиан шынарларны сайзырадырынга дузалаарывыска, өрттенмес тудуг материалдарындан тудуп турарывыс дег болур (1Кр 3:12—15).

Чамдык улус көзүлбес Бурган-биле өңнүктежири канчап болдунарыл деп бодаар. Оларга Иегованы билип алырынга база Аңаа идегеп өөрениринге дузалажыр ужурлуг бис.

«„ААС-КЕЖИКТИГ МӨҢГЕ ЧУРТТА!“ ДЕП ӨӨРЕНИР ДЕПТЕРНИҢ ДУЗАЗЫ-БИЛЕ ИЕГОВАГА БҮЗҮРЕЛИҢЕРНИ САЙЗЫРАДЫҢАР» ДЕП ВИДЕОНУ КӨРГЕШ, ХАРЫЫЛА:

• Дуңмавыс эки белеткенип алганы кайыын көскү?

• Немелде, хандыр бодандырыптар айтырыгларның дузазы-биле угбавыс өөренип турар кижизин Исайя 41:10, 13 кол бодалдарынче кичээнгейин канчаар угландырган база бодунуң миниишкини-биле үлежирин канчаар оттурган?

• Өөренип турар кижиге видео биле библейжи шүлүктер кандыг салдарлыг болган?

Хөй улус төлевир дугайында теманы эки билбес боор азы Бургандан оларга хууда белек деп санавайн турар (Гл 2:20). Ынчангаш Христостуң төлевир кылдыр өргээн өргүлүнге бүзүрээринге кижилерге дузалажыр ужурлуг бис.

«„ААС-КЕЖИКТИГ МӨҢГЕ ЧУРТТА!“ ДЕП ӨӨРЕНИР ДЕПТЕРНИҢ ДУЗАЗЫ-БИЛЕ ИИСУСКА БҮЗҮРЕЛИҢЕРНИ САЙЗЫРАДЫҢАР» ДЕП ВИДЕОНУ КӨРГЕШ, ХАРЫЫЛА:

• Акывыстың кичээлинге эки белеткенгени кайыын көскү?

• Акывыс өөренип турар кижизинге хамаарыштыр «Немелде» деп көзенектен материалды канчаар ажыглаан?

• Бурган-биле найыралын өстүрерде, өөренип турар кижиге мөргүүрү чүге чугула?