Бо делегейниң төнчүзү чоокшулаан тудум, оон-даа хөй хөлзээзиннер, терактылар болгаш дайыннар болурун билир бис (Ажд 6:4). Ол болуушкуннарга канчаар белеткенип ап болур?

• Бурган-биле найыралды быжыглаар курлавырлар. Иеговага болгаш Ооң организациязынга бүзүрелиңни быжыглаар, нейтралитетти кадагалаарынга дузалаар библейжи дүрүмнерни болгаш намдар-төөгүлерни тып ал (Уч 12:5; jr-U ар. 125—126, абз. 23, 24). Чыышта акы-угбалар-биле быжыг хамаарылганы быжыктырар үе ам бо-дур (1Пт 4:7, 8).

• Мага-бот хереглелдериниң курлавырлары. Дүвүренчиг байдалдарда үени бажыңга эрттирип, тода пландан тургузуп ал. Баштайгы үеде херек чүүлдерни болгаш аъш-чемни курлавырлап белеткеп ал. Өскээр чоруур апаар пландан база белеткеп ал. Айыыл-халап рюкзагында чүүлдерни хынап, камгалалга херек чүүлдериң четчелеп, хына (чижээ, перчаткалар болгаш маскалар) база акша-төгерик. Удуртукчулар-биле канчаар харылзажып болурун билип ал (Иса 32:2; g17.5-U ар. 3—7).

• Хөлзээзиннер үезинде. Бурган-биле найыралың быжыглаар графиктен туттун (Фп 1:10). Чүгле өскээр чоруур байдалдан аңгыда, чаштынып турар чериңден үнме (Мф 10:16). Курлавырлап алган аъш-чем болгаш өске-даа херек чүүлдериңни өскелер-биле үлеш (Рм 12:13).

«ГОТОВ ЛИ ТЫ К БЕДСТВИЮ?» ДЕП ВИДЕОНУ КӨРГЕШ, ХАРЫЫЛА:

• Иегова биске айыыл-халап үезинде канчаар дузалаар?

• Белеткенип алырынга, бистен чүү негеттинип турар?

• Айыыл-халаптан когараан улуска канчаар дузалап болур?